Thermus thermophilus é unha especie de bacteria gramnegativa do filo Deinococcus-Thermus usada en diversas aplicacións biotecnolóxicas, como organismo modelo para a manipulación xenética, xenómica estrutural, e bioloxía de sistemas. É un bacilo aeróbico que contén un pigmento amarelo. A bacteria é extremadamente termófila, cunha temperatura óptima de crecemento duns 65 °C. T. thermophilus foi illada orixinalmente nunha fonte termal continental en Izu, Xapón por Tairo Oshima e Kazutomo Imahori. Inicialmente fora denominada Flavobacterium thermophilum e despois foi transferida ao xénero Thermus.^[1] O organismo tamén é importante na degradación de materiais orgánicos na fase termoxénica da compostaxe.^[2] Existen varias cepas de T. thermophilus, das cales as máis utilizadas nos laboratorios son a HB8 e a HB27. As análises xenómicas destas cepas completáronse independentemente en 2004.^[3]

• A rTth ADN polimerase é unha ADN polimerase termoestable derivada de Thermus thermophilus, cunha actividade óptima a 70-80 °C, usada nalgunhas aplicacións da PCR. Este encima posúe unha eficiente actividade de transcriptase inversa en presenza de manganeso.

• Xenoma de Thermus thermophilus HB27.
• Xenoma de Thermus thermophilus HB8.
• Bioloxía estrutural de Thermus thermophilus HB8.
• Illamento de cepas de Thermus de compost quente (60 °C-80 °C) Arquivado 13 de outubro de 2008 en Wayback Machine.
• Base de datos do Whole Cell Project de Thermus thermophilus HB8 Arquivado 22 de decembro de 2015 en Wayback Machine.