Televisió de Catalunya
Na rede
https://www.ccma.cat/tv3/

Televisió de Catalunya (TVC) é unha empresa de televisión catalá que pertence ao ente público de Cataluña, a Corporació Catalá de Mitjans Audiovisuals (CCMA), que á súa vez depende da Generalitat de Cataluña.

Actualmente posúe seis canles distintas: TV3, El 33, Canal Super3, 3/24, 3XL e Esport 3, ademais de vía satélite coa canle internacional TV3CAT e a canle en alta definición TV3HD. Todas elas emítense desde os estudios situados en Sant Joan Despí.

A sede central de TVC está situada na localidade de Sant Joan Despí, na provincia de Barcelona. As instalacións divídense en dous edificios. No CEI (centro de emisión de informativos) atópase a redacción dos programas informativos e de deportes e conta con dous estudios, o do Telenotícies e outro multiúsos onde se emiten os programas en directo como Els matins. Por outra banda, desde o CPA (centro de produción de audiovisual) realízanse e emiten os programas de entretemento. Así mesmo, a cadea posúe un centro de produción na veciña localidade de L'Hospitalet de Llobregat, onde roda producións de ficción como a serie El cor de la ciutat.

Televisió de Catalunya conta con seis canles. Todas elas emiten integramente en catalán, aínda que hai emisións en aranés nas desconexións para o Val de Arán.

Canle	Temática	Primeira emisión
TV3	Xeralista	10 de setembro de 1983
El 33	Cultural e divulgativa	23 de abril de 1988
3/24	Información 24 horas	11 de setembro de 2003
Canal Super3	Infantil	18 de outubro de 2009
Esport 3	Deportiva	22 de outubro de 2010
TV3HD	Contido en alta definición	23 de abril de 2007

Canle	Temática	Primeira emisión	Última emisión
K3	Infantil e xuvenil	23 de abril de 2001	18 de outubro de 2009
300	Series e películas	23 de novembro de 2005	19 de setembro de 2010
TV3CAT	Fóra de Cataluña	10 de setembro de 1995	30 de abril de 2012
3XL	Xuvenil	19 de setembro de 2010	30 de setembro de 2012

• Sitio oficial de Televisió de Catalunya (en catalán)