PROFILPELAJAR.COM

Susana ^[1]^[2] é un nome propio masculino galego. A súa orixe é o hebreo xûxan que quere dicir "lirio". En galego tamén ten os hipocorísticos Susa e Susi.^[2]

En xaneiro de 2023 existían 6.492 mulleres en Galicia co nome Susana, cunha media de idade de 46,2 anos.^[3] Santa Susana de Braga é patroa dunha parroquia na cidade de Santiago de Compostela.^[4]

Etimoloxía

Provén do exipcio medio xoxen, Sšn (‘flor de loto’). Aparece por vez primeira nun sarcófago da Undécima Dinastía do 2000 a. C.^{[Cómpre referencia]}

Aparece tamén en Persia (onde se corresponde co nome do ‘lirio’), na antiga cidade de Susa. Nos mitos persas, Shushan é tamén o nome do fillo (ou a filla, nalgunhas traducións) de Elam.

No aramaico shoshana significa tamén ‘lirio’. No entanto, a raíz hebraica do nome do lirio שושן deriva de שוש ou ששנ, que significa ‘ledo, brillante ou feliz’, e é a base da verba ששון sasson, que significa ‘ledicia’.

Aparece unha Susana no Evanxeo de Lucas (8:3), como unha das mulleres que acompañaban a Xesús Cristo.

Variantes

Variantes noutras linguas
Español: Susana
Alemán: Susanne
Catalán: Susanna
Checo: Zuzana
Dinamarqués: Susanne
Eslovaco: Zuzana
Esloveno: Suzana
Esperanto: Susano
Francés: Suzanne
Galego: Susana
Grego: Σουσάννα
Finés: Susanna
Hebraico: Chochana, Shoshana
Húngaro: Zsuzsanna o Zsuzsa (diminutivo: ZsaZsa)
Inglés: Susan, Suzanne
Italiano: Susanna
Latín: Xuxa
Malaio: Sosamma
Ruso: Сусана (Susana)
Noruegués: Susanne
Polonés: Zuzanna
Portugués: Suzana
Serbio: Жужана
Sueco: Susanna

Santoral

Persoeiros

Santas e beatas

Santa Susana de Roma (século III), virxe e mártir romana; festividade: 11 de agosto.
Susana de Braga, virxe mártir do século III - Festividade: 14 de abril. Ten especial devoción en Santiago de Compostela.
Santa Susana (século II), patricia romana, mártir; festividade: 29 de agosto.
Santa Susana de Taormina; festividade: 7 de xuño.
Santa Susana de Tavium, virxe e mártir; festividade: 24 de maio.

Galegas

Susana Seivane, gaiteira galega.
Susana Sánchez Aríns, poeta galega.
Susana Dans, actriz galega.
Susana López Abella, política galega.
Susana Vázquez Dorado, política galega.
Susana Fortes, escritora e xornalista galega.
Susana Germade, cantante galega.
Susana Quintás, economista e empresaria galega.

Outras

Susana de Italia, condesa de Flandres.
Susan McFadden, actriz e cantante irlandesa.
Susana Díaz, política andaluza.
Susana Giménez, actriz arxentina de cinema.

Susana na arte

Pintura

Susana no baño, pintura de Tintoretto.

Música

Susana Seivane (álbum), primeiro álbum de estudio da gaiteira Susana Seivane.
A tradicional canción estadounidense Oh! Susanna (1847), de Stephen Foster (1826-1864) ^[5]
Suzanne (1968), unha das cancións máis coñecidas de Leonard Cohen ^[6]
Suzanne (1984), é un clásico dos anos oitenta de The Art Company ^[7]

Cinema

O filme Susana (1951) —tamén coñecido como Demonio y carne—, do director hispanomexicano Luis Buñuel (1900-1983).
O filme dinamarqués Susana (1951).