Stratford-upon-Avon é unha cidade situada ao sur do condado de Warwickshire, en Inglaterra. No ano 2001 contaba cunha poboación de 23.676 habitantes. A principal atracción turística é todo o relacionado coa casa de William Shakespeare e as súas propiedades.
Localización
Stratford-upon-Avon está preto da segunda cidade máis grande do Reino Unido, Birmingham, é fácil acceder a ela grazas á saída 15 da M40. Mediante tren se pode acceder desde Birmingham (Snow Hill station, Moor Street station) así como desde Londres, cun servizo de arredor de sete trens directos desde a estación de Londres Marylebone.
A cidade ten orixes anglosaxoas e foi crecendo coma un burgo, cidade mercado, durante a Idade Media. Na cidade se atopa río Avon, que a cruza por un parque moi frecuentado polos turistas e mesmo polos habitantes do lugar.
“Stratford-upon-Avon”, significa Stratford sobre o Río Avon, tamén chamada só Stratford. Para diferenciar o Distrito da cidade, se empregan os termos upon-Avon para a cidade e on-Avon para o Distrito.
Tamén pode dar confusión con Starford (no London Borough of Newhan) como parte das infraestruturas dos Xogos Olímpicos de Londres no 2012.
É mundialmente coñecido por ser o lugar de nacemento e defunción de William Shakespeare. A cidade está unida ao teatro e ó turismo, recibe uns tres millóns de visitantes ó ano procedentes de todo o mundo.
