Soledad Muniategui Lorenzo

Nome orixinal	Soledad Norberta Muniategui Lorenzo
Biografía
Nacemento	24 de xullo de 1962 (62 anos) Caracas, Venezuela
Residencia	A Coruña
Formación profesional	Licenciada e Doutora en Farmacia (Para outros, véxase o texto)
Educación	Universidade de Santiago de Compostela
Q89547790	Estudos sobre o medio ambiente
Actividade
Ocupación	Catedrática de Química analítica da Universidade da Coruña Directora do Instituto Universitario de Medio Ambiente da Universidade da Coruña
Empregador	Universidade da Coruña
Lingua	Galego, español, inglés

Soledad Muniategui Lorenzo, nada en Caracas o 24 de xullo de 1962, é unha científica galega, catedrática universitaria especializada en química analítica e en estudos medioambientais.^[1]

Soledad Muniategui acadou os seguintes títulos académicos:^[1]

• Licenciada en Farmacia pola Universidade de Santiago de Compostela (1985).
• Diplomada en Óptica Oftálmica e en Acústica Audiométrica pola mesma Universidade (1686).
• Doutora en Farmacia pola mesma Universidade (1689), coa lectura da tese de doutoramento titulada "Color, origen botánico y composición del polen apícola", dirixida polo doutor Jesús Simal Lozano.^[2]
• Mestrado pola European School on Environmental Sciences and Engineering dentro do programa COMETT da Unión Europea (1992-1994). Este é un programa que fomenta a cooperación entre as universidades e as industrias no campo da capacitación tecnolóxica.^[3]

O día 20 de marzo de 2013 foi recibida na Real Academia de Farmacia de Galicia, na que ocupa a medalla nº 24, acto no que leu o discurso Mediambiente y Salud. Una visión analítica sobre los contaminantes prioritarios y de interés emergente.^[1][4]

O labor investigador da doutora Muniategui céntrase en:^[5]

• Novas estratexias de análises rápidas, sensíbeis, selectivas e ambientalmente sustentábeis.
• Desenvolvemento de metodoloxías analíticas: técnicas extracción, cromatografía de líquidos, cromatografía de gases, electroforese capilar, espectroscopia molecular, espectrofluorimetría, espectroscopia de absorción e emisión atómica.
• Avaliación de contaminantes ambientais: compostos orgánicos persistentes e emerxentes (hidrocarburos, pesticidas, dioxinas e bifenilospoliclorados (PCBs), fármacos e produtos de hixiene persoal, plastificantes, perturbadores endócrinos) e inorgánicos (metais vestixiais, compostos organometálicos) e micropláticos.
• Todo iso para a súa aplicación nos seguintes campos: atmosfera, augas, sedimentos, biota, produtos de consumo, solos, carbóns e outros produtos de combustión.

Soledad Muniategui participou en máis de 30 proxectos de I+D+I de ámbito autonómico, estatal e europeo, e en máis de 50 contratos ou convenios con empresas, institucións públicas e centros tecnolóxicos, na meirande parte deles como investigadora principal.^[6] Participou en estudos de intercomparación de métodos analíticos e en exercicios interlaboratorio de ámbito nacional e europeo. Colaborou en varios comités de organización de congresos científicos de ámbito nacional e internacional. Ten tres patentes e modelos de utilidade rexistradas,^[1] unha delas, Passive contaminent sampling device, de ámbito europeo, concedida o 4 de xuño de 2016.^[7]

A profesora Muniategui dirixiu 13 teses de doutoramento.^[8]

Entre outras, a doutora Muniategui é membro das seguintes institucións:^[1]

• Vogal da xunta directiva da Sociedade Española de Química Analítica (2009-2013), e vicepresidenta da mesma desde 2013.
• Vogal do Consello Galego de Seguridade Alimentaria da Xunta de Galicia.
• Membro do Grupo Técnico sobre Contaminantes Orgánicos Persistentes (COP), do Ministerio de Agricultura, Pesca e Alimentación (2009-2012) e (2015-actualidade).
• Membro do Comité Científico da Agencia Española de Seguridad Alimentaria y Nutrición (AECOSAN), Sección Consumo, desde 2015.

Na Universidade da Coruña desempeña os seguintes cargos académicos ou de xestión:^[5]

• Directora do Instituto Universitario de Medio Ambiente. (Desde o 17 de outubro de 2016. Anteriormente, desde a fundación este Instituto, o 17 de marzo de 2014, foi a súa secretaria).
• Vogal coordinadora da Comisión Académica "Mestrado Universitario en Ciencias, Tecnoloxías e Xestión Ambiental". (Desde o 11 de decembro de 2013).
• Vogal da Comisión Académica do "Programa Oficial de Doutoramento en Química Ambiental e Fundamental". (Desde o 11 de outubro de 2013).
• Vogal coordinadora da "Comisión de Calidade da Facultade de Ciencias". (Desde o 20 de maio de 2013).

A profesora Muniategi publicou 18 artigos en revistas científicas,^[9] foi coautora ou coeditora de 14 libros colectivos,^[10] e dun libro en solitario (a súa tese de doutoramento):

• Soledad Muniategui (1989): Color, origen botánico y composición del polen apícola. Santiago de Compostela: Universidade de Santiago de Compostela. Servizo de Publicacións. ISBN 84-7191-534-0.^[11]

• 2001 - Prevención da contaminación no sector enerxético: refino de petróleo. (Con Vicente Beceiro Veiga, José Manuel Martínez Mayán, Senén Fernández Hermida, Darío Prada Rodríguez, Purificación López Mahía, Dolores Esther Fernández Fernández). Santiago de Compostela: Editorial Colección Técnica Medio Ambiente. D.L.C-1828.
• 2001 - Prevención da contaminación no sector de transformación da madeira: fabricación de taboleiros. (Con Darío Prada Rodríguez e Purificación López Mahía). Santiago de Compostela: Editorial Colección Técnica Medio Ambiente. D.L.C-1146.
• 2001 - Prevención da contaminación no sector de transformación da madeira: fabricación de pasta de papel. (Con Darío Prada Rodríguez e Purificación López Mahía). Santiago de Compostela: Editorial Colección Técnica Medio Ambiente. D.L. PO-106.
• 2001 - Prevención da contaminación no sector de industrias Lácteas. (Con Darío Prada Rodríguez e Purificación López Mahía). Santiago de Compostela: Editorial Colección Técnica Medio Ambiente. D.L.C-135.
• 2002 - Prevención da contaminación no sector enerxético: centrais térmicas. (Con Darío Prada Rodríguez e Purificación López Mahía). Santiago de Compostela: Editorial Colección Técnica Medio Ambiente. ISBN 84-4533-342-9.
• 2005 - Importancia industrial y medioambiental de especies metálicas tóxicas. (Con Carmen María Moscoso Pérez, Jorge Moreda Piñeiro, Purificación López Mahía, Dolores Esther Fernández Fernández e Darío Prada Rodríguez). Santiago de Compostela: Editorial Tórculo Artes Gráficas S.L. ISBN 84-6890-900-9.
• 2007 - "Surfactants in cosmetics. Analytical methods. Determination of surfactants in cosmetics". (Con Mª del Carmen Prieto Blanco. Purificación López Mahía e Darío Prada Rodríguez). Analysis of Cosmetic Products, pp. 297–328. Nova York, NY, USA: Elsevier. ISBN 978-0-4445-2260-3.
• 2009 - "A comparison of microwave assisted extraction and pressurized fluid extraction with the classical methods in the analysis of persistent organic pollutants from environmental samples%. Con Estefanía Concha Graña, María Piñeiro Iglesias, Purificación López Mahía e Darío Prada Rodríguez). Methods & New Trends in Environmental, Biological and Food Analysis of Persistent Organic Pollutants (POPs). pp. 139-160. Nova York, NY, USA: Elsevier. ISBN 978-81-3080-286-2.
• 2014 - Jornada sobre estrategias para la innovación de la actividad docente en Química Analítica: contenidos y herramientas. Editora, xunto con Elena Domínguez, Arántzazu Narváez, José Luis Pérez Pavón e M. Torres). Madrid: Sociedad Española de Química Analítica (SEQA). ISBN 978-84-6169-373-3.
• 2014 - "Conectando las actividades de docencia interactiva con la adquisición de competencias del Grado en Química a través de la asignatura Química, Información y Sociedad". (Con M. C. Prieto Blanco e A. Carlosena-Zubieta). Investigaciones en el contexto universitario actual. pp. 499–503. Barbadás, Ourense: Educación Editora. ISBN 978-84-1552-416-8.
• 2016 - II Jornada sobre estrategias para la innovación de la actividad docente en Química Analítica: contenidos y herramientas. (Editora, xunto con Elena Domínguez, Arántzazu Narváez, José Luis Perez Pavon e M. Torres). Madrid: SEQA. ISBN 978-84-6089-491-9.
• 2016 - "Evolution of the targets in environmental analysis". (Con Carmen Moscoso-Pérez, Verónica Fernández González, Purificación López Mahía e Darío Prada Rodríguez). Encyclopedia of Analytical Chemistry. pp. 2–29. Hoboken, New Jersey, USA: John Wiley & Sons, Ltd. ISBN 978-0-4700-2731-8.
• 2017 - "Surfactants in Cosmetics: Regulatory aspects and analytical methods". (Con María del Carmen Prieto Blanco, M. Fernández-Amado, Purificación López-Mahía e Darío Prada Rodríguez). Analysis of Cosmetic Products (2th edition), pp. 249–287. Nova York, NY, USA: Elsevier Science. ISBN 978-0-4446-3508-2.
• 2017 - "New Trends in the Analysis of Endocrine Disrupting Compounds in Environmental Samples. Environment: Water and Waste". (Con Noelia Salgueiro González, Purificación López Mahía e Darío Prada Rodríguez). Encyclopedia of Analytical Chemistry: Applications, Theory and Instrumentation, pp. 1–20. Hoboken, New Jersey, USA: John Wiley & Sons, Ltd. ISBN 978-0-4700-2731-8.

• A ciencia ten nome de muller (en Wikibooks).

• Biografía na web da Real Academia de Farmacia de Galicia (en castelán).
• Ficha da Dra. Soledad Norberta Muniategui Lorenzo na web da UDC.