Seinfeld
Formato	Comedia de situación
Creado por	Larry David Jerry Seinfeld
Desenvolvido por	Castle Rock Entertainment
Dirixido por	Art Wolff (Pilot) Tom Cherones (tempadas 1–5) Andy Ackerman (tempadas 6–9)
Intérpretes	Jerry Seinfeld Julia Louis-Dreyfus Michael Richards Jason Alexander
País de orixe	Estados Unidos
Lingua(s)	inglés
Episodios	180
Produción
Produtor(es) executivo(s)	Larry David (tempadas 1–7) Howard West George Shapiro Andrew Scheinman (tempadas 2–4) Jerry Seinfeld (tempadas 8–9) Alec Berg (tempada 9) Jeff Schaffer (tempada 9)
Localización(s)	Nova York
Duración	22 minutos
Distribuidor	Columbia Pictures Television (1989–1998) Columbia TriStar Television (1999–2002) Sony Pictures Television (2002–actualidade)
Emisión orixinal
Canle de orixe	NBC
Primeiro episodio	5 de xullo de 1989
Derradeiro episodio	14 de maio de 1998
Na rede
https://www.sonypictures.com/tv/shows/seinfeld/
[ editar datos en Wikidata ]

Seinfeld é unha comedia de situación estadounidense que se emitiu orixinalmente entre o 5 de xullo de 1989 e o 14 de maio de 1998 na NBC e que desde aquela se segue a emitir internacionalmente en moitas canles e nos Estados Unidos permanece en sindicación.

Creación de Larry David e Jerry Seinfeld, este último interpretando unha versión ficcionalizada de si propio. A acción transcorre fundamentalmente nun bloque de apartamentos en Manhattan, malia que se gravou nos Ánxeles), no que ademais do protagonista están os seus tres amigos George Costanza, Elaine Benes e Cosmo Kramer. Seinfeld produciuna Castle Rock Entertainment, distrubuída en asociación con Columbia Pictures Television e Columbia TriStar Television; Sony Pictures Television distribúe a serie desde 2002. Escrita principalmente por David e Seinfeld, participaron tamén numerosos outros guionistas, Larry Charles, Peter Mehlman, Gregg Kavet, Andy Robin, Carol Leifer, David Mandel, Jeff Schaffer, Steve Koren, Jennifer Crittenden, Tom Gammill, Max Pross, Charlie Rubin, Alec Berg e Spike Feresten.

A serie foi ben recibida pola crítica, converténdose nun fenómeno cultural e social, liderando os índices Nielsen na sexta e novena tempadas, rematando entre as dúas primeiras, xunto con ER cada ano entre 1994 e 1998. En 2002, a revista TV Guide proclamou a Seinfeld o mellor programa de televisión de tódolos tempos.^[1]