Samuel Prada León, nado en Ourense en 1993 e finado en Afrin o 13 de febreiro de 2018, tamén coñecido como Baran Galicia, foi un militante galego-andorrano.[1] Foi o primeiro cidadán español en morrer en Siria loitando contra o Estado Islámico e as Forzas Armadas de Turquía durante a guerra civil siria.
Traxectoria
Á idade de seis anos foi vivir coa súa nai, Beatriz Prada, a Andorra, onde ela tiña un restaurante.[2] Tras rematar os estudos secundarios comezou a militar en organizacións humanitarias, e no verán de 2017 foi a Siria nunha viaxe humanitaria. Canda a outros militantes de todo o mundo enrolouse nas Unidades de Protección Popular (YPG) e comezou unha formación militar acelerada para defender a fronte de Afrin xuntamente coas milicias kurdas que defendían a rexión da invasión turca.[2]
Faleceu o 10 de febreiro de 2018 canda ao seu compañeiro Olivier François Jean Le Clainche (Kendal Breizh),[3] e o seu corpo foi repatriado.[4]
Notas
