Ronda de Outeiro


Rolda de Outeiro
Cruzamento coa Av. de Fisterra
TipoloxíaRolda de circunvalación
Dimensións
Lonxitude4,5 km
Formato2 ou 3 carrís por sentido
Localización
InicioAvenida do Exército
FinAvenida de Gerardo Porto (Paseo marítimo)
LocalidadeA Coruña
Como chegar
Bus
Circulación
TránsitoPeonil e rodado

A rolda de Outeiro[1] é unha das principais vías urbanas da Coruña. Vai dende a avenida do Exército, nas proximidades do porto, ata a avenida de Gerardo Porto, un tramo do paseo marítimo.

Historia

A rolda de Outeiro aparece tal como se construíu, dende A Gaiteira ata Labañou, no Plan de 1948 de Jacobo Rodríguez-Losada e Pablo Iglesias Atocha. Este plan supuxo a modificación do proxecto de ordenamento de César Cort (1945), no que se recollían algunhas roldas para a cidade, incluídos algúns tramos da rolda de Outeiro.[2]

O nome de Outeiro deullo o pequeno núcleo rural que existía nas proximidades do cruzamento da Rolda coa avenida de Fisterra, o lugar máis alto de toda a estrada.[3]

Descrición

Hoxe en día a rolda de Outeiro é a rúa máis longa da Coruña. A rolda achega os dous extremos costeiros da cidade pero non estivo rematada ata a construción do polígono dos Rosales en 1994.

Tódalas estradas que entran e saen da cidade da Coruña atravesan a rolda de Outeiro, o que a fai dela unha vía moi saturada en hora punta. A rede semafórica está controlada e programada en función do número de vehículos que circulan por ela.

Notas

  1. ↑ "O Concello establece este domingo 23 un dispositivo especial de tráfico pola celebración do maratón Coruña42". Arquivado dende o orixinal o 15 de setembro de 2019. Consultado o 30 de abril de 2017. 
  2. ↑ González-Cebrián Tello, José (1984). La ciudad a través de su plano. La Coruña (en castelán). Concello da Coruña. ISBN 9788450099904. 
  3. ↑ Blog. Ronda de Outeiro: La más larga y de costa a costa Arquivado 01 de xullo de 2012 en Wayback Machine. 10 de xullo de 2009 (en castelán).

Véxase tamén

Bibliografía