Avenida de Oza
Tipoloxía	avenida
Dimensións
Lonxitude	1,78 km
Localización
Inicio	Praza de Catro Camiños
Fin	Avenida da Pasaxe
Confluencias Rolda de Outeiro Avenida do Exército

A avenida de Oza é unha rúa da cidade da Coruña que atravesa os barrios da Gaiteira e Os Castros.^[1]

Orixinariamente a rúa formaba parte da estrada da Pasaxe. Coa súa urbanización foi bautizada en dous tramos como avenida de García Prieto, ata a Gaiteira, e de Francisco Ferrer a partir dese punto. En 1936 bautizouse como avenida do general Sanjurjo.^[2]

O nome actual lembra o antigo concello de Oza e foi proposto en 2009, chegando a colocarse algunhas placas.^[3][4] Finalmente o 5 de abril de 2016 modificouse o nome para cumprir a Lei da memoria histórica.^[5]

O 30 de abril de 1987 a sucursal do Banco Pastor da avenida sufriu un atentado terrorista que causou importantes danos materiais, tanto na propia oficina coma nos predios veciños, consecuencia da onda expansiva.^[6]

Entre os edificios catalogados na avenida de Oza están:^[7]

• Nº 8, edificio racionalista de Antonio Tenreiro e Peregrín Estellés (1939-1942).
• Nº 32, 41-43 e 183, edificios racionalistas.
• Nº 150, edificio modernista de 1950.
• Nº 152, edificio modernista de 1925.^[8]

No número 117 da avenida sitúase o antigo concesionario de Citroën, de Andrés Fernández-Albalat Lois (1964), que chegou a ter licenza de derrubamento en 2012.^[9][10]

A Galipedia ten un portal sobre: A Coruña

• García López, Alfonso (2009). Calles con historia (en castelán). A Coruña: Espacio Cultura. ISBN 978-84-938089-1-4.