As rexións e distritos de Escocia era a división territorial, que, en base ao poder local, estivo vixente entre 1975 e 1996.

A lei de creación das rexións e distritos municipais é de 1973 pero non entrou en vigor ata dous anos despois. Segundo este criterio había 12 rexións en Escocia, das cales nove estaban na illa maior (Gran Bretaña) e tres mais nas pequenas illas das súas costas. Esas nove de Gran Bretaña estaban á súa vez divididas en distritos, dende tres a dezanove.

O sistema recollía as propostas do Informe Wheatley sobre división territorial de Escocia e na súa maior parte evitaban reproducir a división en condados que estivera vixente dende 1889. Tamén os distritos das rexións eran bastante diferentes das divisións dos condados, que tamén á súa vez se chamaban distritos.

Este sistema de repartición territorial foi abolido o 1 de abril de 1996 e substituído polas actuais áreas municipais. Neste novo modelo, algunhas rexións continuaban a ser áreas municipais, outras repartíanse en diferentes áreas e finalmente algunhas delas xuntábanse para integrar unha área nova.

Distritos ordenados polas rexións ás que pertencían

• Condados de Escocia
• Subdivisións de Escocia
• Áreas municipais de Escocia