PROFILPELAJAR.COM

A lista dos reis de España comeza cos Reis Católicos porque se considera que España comezou a existir cando a Coroa de Castela e a Coroa de Aragón uniron os seus reinos a través do matrimonio de Isabel I de Castela con Fernando II de Aragón, aínda que os reinos seguiron tendo leis separadas e a denominación da Monarquía incluía varios reinos (a máis común sería Rei de Castela, Aragón, León, Granada e Toledo, aínda que variaba moito). O termo España referíase á Península Ibérica en conxunto até o recoñecemento definitivo da independencia de Portugal en 1668 e o título rei de España só se comezou a utilizar polos monarcas en 1874 (anteriormente Isabel II utilizou o de Raíña das Españas).

Casa de Trastámara

En 1474 o rei Henrique IV de Castela morreu, deixando un Reino inmerso nunha guerra civil entre Isabel e Xoana a Beltranexa que, finalmente, gañou a primeira. En 1479 era Xoán II de Aragón o que morría, pasando o trono a Fernando, naquel momento rei de Castela por matrimonio coa raíña Isabel; deste xeito empezouse a xestar o que sería a futura monarquía española. En 1492 conquistaron o Reino de Granada, o último territorio islámico na península, e en 1512 Fernando II conquistou o Reino de Navarra co apoio do partido beaumontés e do papa Xulio II, e incorporouno a Castela en 1515. Á morte da raíña Isabel, sucedeulle a súa filla Xoana, quedando o seu pai como rexente; a pesar de ser rexeitado pola nobreza castelá e substituído polo marido de Xoana, Filipe o Fermoso (que chegou a ser xurado rei), Fernando volveu asumir a rexencia tras a repentina morte deste.

Á morte do Rei Católico houbo un período de inestabilidade debido á incapacidade mental da súa filla Xoana, que foi aproveitado polo seu neto Carlos para proclamarse rei en Bruxelas, o que foi recoñecido en Castela; pero en Aragón non houbo acordo en aceptar e en aplicar o testamento do Rei Católico por estar en contra dos foros, o cal conduciu a un período sen rei, no que se paralizou o goberno, ata que finalmente decidiuse xurar a Xoana e Carlos como reis de Aragón.

Nome	Monarca desde	Monarca ata
Fernando II de Aragón, o Católico (Fernando V de Castela) coa súa esposa, Isabel I de Castela	15 de xaneiro de 1475 En Castela 20 de xaneiro de 1479 En Aragón	26 de novembro de 1504 En Castela 23 de xaneiro de 1516 En Aragón
Isabel I de Castela, a Católica co seu esposo, Fernando II de Aragón	13 de decembro de 1474 En Castela	26 de novembro de 1504

Xoana I de Castela, a Tola co seu esposo, Filipe I de Castela (1506) co seu fillo, Carlos I de España (1516-1555)	26 de novembro de 1504 En Castela 23 de xaneiro de 1516 En Aragón	12 de abril de 1555
Filipe I de Castela, o Fermoso coa súa esposa, Xoana I de Castela (1506)	12 de xullo de 1506	25 de setembro de 1506

Casa de Austria

A Casa de Habsburgo (ou "de Austria") comezou con Carlos I (V do Sacro Imperio Romano Xermánico). Deixou tras de si unha monarquía española que foi tamén, por algún tempo, soberana dos Países Baixos, de boa parte de Italia e de grandes territorios en ultramar; no entanto, o título de Emperador non pasou aos seguintes monarcas de España.

Nome	Monarca desde	Monarca ata
Carlos I, o Emperador coa súa nai Xoana I de Castela (1516-1555) Raíña consorte Sabela de Portugal	14 de marzo de 1516	16 de xaneiro de 1556
Filipe II, o Prudente Raíña consorte María Tudor Raíña consorte Isabel de Valois Raíña consorte Ana de Austria	16 de xaneiro de 1556	13 de setembro de 1598
Filipe III, o Piadoso Raíña consorte Margarida de Austria	13 de setembro de 1598	31 de marzo de 1621
Filipe IV, o Grande ou o Rei Planeta Raíña consorte Sabela de Borbón Raíña consorte Mariana de Austria	31 de marzo de 1621	17 de setembro de 1665
Carlos II, o Enfeitizado Raíña consorte María Luísa de Orleáns Raíña consorte Mariana de Neoburgo	17 de setembro de 1665	1 de novembro de 1700

Arquiduque Carlos Rei rival de España como Carlos III (En guerra con Filipe V de Borbón) Raíña consorte Sabela Cristina de Brunswick-Wolfenbüttel	12 de setembro de 1703	2 de xullo de 1715

Casa de Borbón

Tras a morte de Carlos II sen descendencia, a titularidade da Coroa de España pasa ao seu sobriño-neto, e neto á súa vez de Lois XIV de Francia, Philippe d'Anjou, sendo o primeiro membro da Casa de Borbón en España. Ao ser nomeado Rei de España, Philippe cambia o seu nome a Felipe, mentres que o apelido francés Bourbon foi castelanizado como Borbón.

Imaxe	Escudo	Nome	Monarca desde	Monarca ata
		Filipe V, o Animoso Raíña consorte María Luísa Gabriela de Savoia Raíña consorte Isabel de Farnesio	16 de novembro de 1700	14 de xaneiro de 1724
align="center"	align="center"\|	Lois I, o Ben Amado ou o Liberal Raíña consorte Luísa Isabel de Orleáns	14 de xaneiro de 1724	31 de agosto de 1724
		Filipe V, o Animoso Raíña consorte Isabel de Farnesio	6 de setembro de 1724	9 de xullo de 1746
		Fernando VI, o Prudente ou o Xusto Raíña consorte Bárbara de Braganza	9 de xullo de 1746	10 de agosto de 1759
		Carlos III, o Político Raíña consorte María Amalia de Saxonia	10 de agosto de 1759	14 de decembro de 1788
		Carlos IV, o Cazador Raíña consorte María Luísa de Parma	14 de decembro de 1788	19 de marzo de 1808
		Fernando VII, o Desexado ou o Rei Felón	19 de marzo de 1808	6 de maio de 1808

Casa de Bonaparte

O único monarca desta casa foi Xosé I, imposto polo seu irmán Napoleón I de Francia despois de invadir España e facer renunciar a Carlos IV en 1808. Gobernou na España ocupada polos franceses e nos seus dominios sen o recoñecemento das Cortes nin da América española, co título de Rei das Españas e das Indias, pola graza de Deus e pola Constitución do Estado. Habitualmente, e por ser un rei imposto, non se considera que Xosé Bonaparte fose un rei propiamente dito e non adoita levar o numeral correspondente.

Imaxe	Escudo	Nome	Monarca desde	Monarca ata
		Xosé I, Pepe Botella Raíña consorte Julia Clary	6 de xuño de 1808	11 de decembro de 1813

Casa de Borbón (primeira restauración)

A partir da Constitución de 1837, Isabel II pasa a denominarse Raíña das Españas.

Imaxe	Escudo	Nome	Monarca desde	Monarca ata
		Fernando VII, o Desexado ou o Rei Felón Raíña consorte Isabel de Portugal Raíña consorte María Xosefa de Saxonia Raíña consorte María Cristina de Borbón	11 de agosto de 1808^[1] ---- 11 de decembro de 1813^[2]	29 de setembro de 1833
		Isabel II,^[3] a dos Tristes Destinos Rei consorte Francisco de Asís de Borbón	29 de setembro de 1833	30 de setembro de 1868

Despois da abdicación de Isabel II, houbo dous anos de interregno, durante o cal o goberno de España buscou no exterior un novo monarca.

Casa de Savoia

O único monarca desta dinastía é Amadeu I, elixido polas Cortes despois da Revolución de 1868 e a abdicación de Isabel II. O novo título foi Rei de España, pola graza de Deus e a vontade nacional.

Imaxe	Escudo	Nome	Monarca desde	Monarca ata
		Amadeu I, o Rei Cabaleiro Raíña consorte María Victoria dal Pozzo	16 de novembro de 1870	11 de febreiro de 1873

Casa de Borbón (segunda restauración)

É a segunda restauración, logo da Primeira República Española. O título dos monarcas é Rei de España pola graza de Deus e a Constitución.

Imaxe	Escudo	Nome	Monarca desde	Monarca ata
		Afonso XII, o Pacificador Raíña consorte María das Mercedes de Orleáns Raíña consorte María Cristina de Habsburgo-Lorena	29 de decembro de 1874	25 de novembro de 1885
		Afonso XIII, o Africano Raíña consorte Vitoria Uxía de Battenberg	17 de maio de 1886^[4]	14 de abril de 1931

Casa de Borbón (terceira restauración)

É a terceira restauración logo da Segunda República Española e a Ditadura de Francisco Franco. O seu título é simplemente Rei de España.

Imaxe	Escudo	Nome	Monarca desde	Monarca ata
		Xoán Carlos I Raíña consorte Sofía de Grecia	22 de novembro de 1975	19 de xuño de 2014
		Filipe VI Raíña consorte Letizia Ortiz	19 de xuño de 2014	Actualidade

Notas

↑ O 11 de agosto de 1808 o Consello de Castela declarou nulas as abdicacións de Baiona, recoñecendo a Fernando VII rei de novo, e formáronse rexencias no seu nome.
↑ O 11 de decembro de 1813 firmouse o Tratado de Valençay, polo que Napoleón recoñecía como Rei de España a Fernando VII
↑ O nacemento de Isabel II planteou "o problema sucesorio" co seu tío Carlos María Isidro de Borbón. Véxase Primeira Guerra Carlista.
↑ Foi rei de España desde o seu nacemento. Rexencia de María Cristina

Véxase tamén

Listas de monarcas dos reinos cristiáns da Península Ibérica desde a Reconquista ata os nosos días
Portugal	España
	Coroa de Castela				Navarra	Coroa de Aragón
	Galicia	Asturias	León	Castela		Aragón	Barcelona	Valencia	Mallorca