Raquel Sánchez Jiménez, nada en Gavà o 18 de novembro de 1975 é unha avogada e política catalá, que foi alcaldesa de Gavà desde febreiro do 2014 e, desde 2021 ata 2023, ministra de Transportes, Mobilidade e Axenda Urbana do goberno de Pedro Sánchez.
Traxectoria
Licenciada en Dereito pola Universidade de Barcelona, fixo un Mestrado de Dereito do Traballo e Seguridade Social na Universidade Pompeu Fabra.[1]
Exerceu como avogada en Barcelona e Castelldefels. O exercicio desta profesión espertou nela grande interese polos asuntos públicos e un profundo sentido da xustiza social.[2]
A súa vida política desenvolveuse durante varios anos na súa localidade natal, Gavà. Membro do Partit dels Socialistes de Catalunya desde 2003, foi concelleira do municipio de Gavà desde 2007, e tenente da alcaldía desde 2011.[3] Secretaria xeral do PSC na súa cidade desde 2012, forma parte do Consello Nacional do Partido.[4]
Foi alcaldesa da súa cidade en 2014, en substitución do tamén socialista Joaquim Balsera i García, e revalidou este cargo en dúas eleccións, a última das cales, en 2019, acadou a maioría absoluta.
0 30 de novembro de 2019 foi nomeada vicepresidenta institucional da Área metropolitana de Barcelona.[4]
En 2021, presentou en Gavà o "Pla de Ponent" que prevía a creación dun máximo de 4 896 vivendas, o 40 por cento delas públicas, especulando co último corredor biolóxico Garraf/Delta.[5]
O 11 de xullo de 2021 foi nomeada ministra de Transportes, Mobilidade e Axenda Urbana, relevando a José Luis Ábalos como ministro de Fomento.[1] O 21 de novembro de 2023 deixa de ser ministra e pasa ao sucesor, Óscar Puente Santiago nomeado como novo ministro de Transportes e Mobilidade Sostible.
Notas
- ↑ 1,0 1,1 Ruiz, Pedro (10 de xullo de 2021). "Raquel Sánchez, alcaldessa de Gavà, serà la nova ministra de Transports". El Nacional. Consultado o 27 de xaneiro de 2022.
- ↑ Raquel Sánchez Jiménez. Qui soc Arquivado 27 de xaneiro de 2022 en Wayback Machine.. Consultada o 27 de xaneiro de 2022.
- ↑ Sust, Toni (10 de xullo del 2021). "Raquel Sánchez, alcaldessa en els temps durs del PSC, ministra de Transport". El Periódico de Calaluña. Consultado o 27 de xaneiro de 2022.
- ↑ 4,0 4,1 Sánchez Jiménez. Biografía. PSC.
- ↑ José Polo (17 de abril de 2021). "Gavà impulsa un dels plans urbanístics metropolitans més grans" (PDF). La Vanguardia. Consultado o 27 de xaneiro de 2022.
Véxase tamén
Ligazóns externas
XIV LEXISLATURA (7 de xaneiro de 2020 - 17 de agosto de 2023) II Goberno de Pedro Sánchez Pérez-Castejón (dende o 12 de xullo de 2021) |
---|
Xefe do Estado | | |
---|
Presidente de Goberno | |
---|
Vicepresidencias | |
---|
Ministerios |
- · Ministerio de Asuntos Exteriores, Unión Europea e Cooperación, José Manuel Albares Bueno
- Ministerio de Xustiza, Pilar Llop Cuenca
- Ministerio de Defensa, Margarita Robles Fernández
- Ministerio de Hacienda y Función Pública, María Jesús Montero Cuadrado
- Ministerio do Interior, Fernando Grande-Marlaska Gómez
- Ministerio de Transportes, Mobilidade e Axenda Urbá, Raquel Sánchez Jiménez
- Ministerio de Educación e Formación Profesional, Pilar Alegría Continente
- Ministerio de Industria, Comercio e Turismo, Reyes Maroto Illera · Héctor José Gómez Hernández
- Ministerio de Agricultura, Pesca e Alimentación, Luis Planas Puchades
- Ministerio da Presidencia, Relacións coas Cortes e Memoria Democrática, Félix Bolaños García
- Ministerio de Política Territorial, Isabel Rodríguez García
- Ministerio de Cultura e Deporte, Miquel Iceta Llorens
- Ministerio de Sanidade, Carolina Darias San Sebastián · José Miñones Conde
- Ministerio de Dereitos Sociais e Axenda 2025, Ione Belarra Urteaga
- Ministerio de Ciencia e Innovación, Diana Morant Ripoll
- Ministerio de Igualdade, Irene Montero Gil
- Ministerio de Consumo, Alberto Garzón Espinosa
- Ministerro de Inclusión, Seguridade Social e Migracións, José Luis Escrivá Belmonte
- Ministerio de Universidades, Manuel Castells Oliván · Joan Subirats (dende o 16 de decembro de 2021)
|
---|
Voceira do goberno | |
---|