Ramiro Martínez Rodríguez

Biografía
Nacemento	26 de maio de 1915 Soaserra, España
Morte	31 de maio de 1942 (27 anos) Cabanas, España
Causa da morte	execución extraxudicial
Lugar de sepultura	Soaserra
Actividade
Ocupación	maquis
Carreira militar
Conflito	guerra civil española

Ramiro Martínez Rodriguez, nado en Soaserra (Cabanas) o 26 de maio de 1915 e finado no mesmo concello o 31 de maio de 1942, foi un guerrilleiro antifranquista galego.

Fuxiu ao monte ao estalar o golpe de Estado do 18 de xullo de 1936. Logrou escapar nunha batida da Garda Civil en Sanguiñedo en setembro de 1940, na que morreron varios compañeiros. Foi detido o 30 de maio de 1942 pola delación dun infiltrado, levárono ao cuartel onde foi torturado ata que o remataron no monte. O seu cadáver apareceu no Carballón. Foi soterrado no cemiterio de Soaserra.

• Otero Roberes, Carmen; Sobrino Ceballos, Juan; Domínguez Ferro, Manuel (2001). "Fuxidos na fraga. Episodios da guerrilla antifranquista nas terras do Eume" (PDF). Cátedra. Revista eumesa de estudios (8): 205–235. Arquivado dende o orixinal (PDF) o 21 de setembro de 2011. Consultado o 16 de marzo de 2017. 
• Vázquez Arias, Juan Carlos (2017). "Fuxidos de Soaserra y Regoela (Cabanas)" (PDF). Cátedra. Revista eumesa de estudios (24): 7–47. Arquivado dende o orixinal (PDF) o 12 de setembro de 2019. Consultado o 16 de xaneiro de 2018.