A RTÉ National Symphony Orchestra (en galegoOrquestra Sinfónica Nacional da RTÉ), anteriormente coñecida como The National Symphony Orchestra of Ireland e RTÉ Symphony Orchestra (Orquestra Sinfónica Nacional de Irlanda e Orquestra Sinfónica da RTÉ), é unha orquestra sinfónica fundada en 1948 e con sede na cidade de Dublín (Irlanda). Como un dos RTÉ Performing Groups, a RTÉ National Symphony Orchestra actualmente ofrece unha tempada de 33 concertos (nas noites dos venres de setembro a maio e retransmitidos en directo pola RTÉ lyric fm). Dende o 2005, a orquestra ofrece o programa The Symphony Sessions na canle RTÉ One. A orquestra participa na tempada lírica de Dublín e no festival de Wexford.
