PROFILPELAJAR.COM

O modelo de cores RGB é un modelo de cores aditivo^[1] no que as cores primarias vermella, verde e azul da luz engádense nun medio escuro mesturándose para reproducir unha ampla gama de cores. O nome do modelo provén das iniciais en inglés das tres cores primarias aditivas, vermello (red), verde (green) e azul (blue).^[2]

O principal propósito do modelo de cor RGB é a detección, representación e visualización de imaxes en sistemas electrónicos, como televisores e ordenadores, aínda que tamén se utilizou na fotografía convencional. En contraposición, as impresoras utilizan o modelo CMYK de cores subtrativas.

O RGB é un modelo de cor que depende dun dispositivo para reproducirse. Cada dispositivo detecta e reproduce de maneira distinta un mesmo valor de RGB, xa que os elementos que nos aportan luz e cor (como fósforos ou colorantes) varían dependendo do fabricante ou no mesmo dispositivo ao longo do tempo. Así, un valor RGB non define a mesma cor en todos os dispositivos sen algún tipo de xestión da cor.^[3]

Historia

Antes da era electrónica, o modelo de cor RGB xa tiña unha sólida teoría detrás, baseada na percepción humana das cores. O modelo de cor RGB baséase na teoría Young-Helmholtz de que a cor é tricromática desenvolta por Thomas Young e Hermann von Helmholtz no século XIX e no triángulo de cores de Maxwell. O uso do modelo RGB como estándar para a presentación en cor en Internet ten as súas raíces nos estándares de cor dos televisores RCA de 1953 e no uso do estándar RGB nas cámaras Land/Polaroid.

Notas

↑ Hirsch, Robert (2004). Exploring Colour Photography: A Complete Guide. Laurence King Publishing. ISBN 1-85669-420-8.
↑ Fairman, Hugh S.; Brill, Michael H.; Hemmendinger, Henry (February 1997). "How the CIE 1931 color-matching functions were derived from Wright-Guild data". Color Research & Application 22 (1): 11–23. doi:10.1002/(SICI)1520-6378(199702)22:1<11::AID-COL4>3.0.CO;2-7.
↑ "Device-Dependent Color Spaces". learn.microsoft.com. Consultado o 2023.