O río Ibias [1] é un río de 50,1[2] quilómetros do noroeste da Península Ibérica que nace no concello asturiano de Degaña e logo de pasar polos de Cangas del Narcea e Ibias aboca no río Navia no concello galego de Negueira de Muñiz.
Percorrido
Nace no pico Valdecampo en Las Muroquinas e tras baixar cara ao sur únese ao río Zarréu, por veces considerado parte do Ibias. No seu percorrido colle augas tamén do Luíña, Peliceira e máis do Viouga e finalmente aboca no encoro de Salime á altura de Ouviaño no Navia, do que é o seu principal afluente.
Notas
- ↑ Varela Aenlle, Carlos Xesús (2010). Repertorio toponímico e xentilícico da terra Eo-Navia. Universidade de Vigo. p. 50.
- ↑ "Río Ibias". chcantabrico.es.
