A Rexión de Andizhan ou Provincia de Andizhan (uzbeko: Andijon viloyati; Андижон вилояти), é unha división administrativa, coñecida como viloyati, de Uzbekistán, situada na zona oriental do país. Limita con Kirguizistán en case tódalas direccións, salvo ao suroeste por onde limita coa provincia uzbeka de Ferganá e ao noroeste coa provincia de Namangán, formando parte do val de Ferganá.
Andillán é a provincia máis densamente poboada de Uzbekistán. Dividida en 14 distritos administrativos, a súa capital homónima ten 350.000 habitantes. Outras cidades importantes son Asaka (Leninsk), Xonobod, Shahrixon (Moscovskiy), e Qorasuv.
Clima
O clima da provincia é tipicamente continental, con diferenzas extremas entre as temperaturas invernais e as estivais.
A agricultura da rexión baséase principalmente no cultivo do algodón, de cereais e na viticultura. Destaca tamén o cultivo do melón e da sandía en zonas exclusivamente de rego, así como a cría de gando vacún.
