Paso do Noroeste

Tipo	fairway (en)
Parte de	Océano Ártico North-East and North-West Passages (en)
Localización
División administrativa	Canadá
70°36′00″N 127°32′00″O / 70.6, -127.5333

O paso do Noroeste, ás veces tamén chamado paso do Norte,^[1] é o nome co que se coñece a ruta marítima que bordea Norteamérica polo norte, atravesando o océano Ártico e conectando o estreito de Davis e o estreito de Bering ou, o que é o mesmo, o océano Atlántico e o océano Pacífico.^[2][3]

A ruta discorre por un conxunto de estreitos localizados no arquipélago ártico canadense, entre as grandes illas árticas e as terras continentais.

É o que os antigos cartógrafos da alta Idade Moderna coñecían como o lendario estreito de Anián

De oeste a leste, o paso do Noroeste parte do océano Pacífico, do estreito de Bering —que separa Rusia e Alasca— e segue polo mar de Chukchi e o mar de Beaufort. Logo a ruta debe cruzar o arquipélago ártico canadense e hai de cinco a sete rutas posíbeis —incluídas a do estreito de McClure, a do estreito de Dease e a do estreito do Príncipe de Gales—, aínda que non todas son adecuadas para grandes buques.^[4][5] A ruta continúa cruzando a baía de Baffin e chega finalmente ao estreito de Davis, xa no océano Atlántico.

Especulouse con que co quecemento global e a redución da capa de xeo do Ártico, a ruta do paso do Noroeste pode chegar a estar o suficientemente libre de xeo como para permitir un novo transporte comercial seguro, polo menos en parte do ano. O 21 de agosto de 2007, o paso do Noroeste permaneceu aberto ao tráfico marítimo durante o verán boreal sen a necesidade de utilizar barcos quebraxeos. Segundo Nalan Koc, do Instituto Polar Noruegués, esta foi a primeira vez que quedou libre desde que comezaron a tomarse rexistros en 1972.^[6][7] O 26 de agosto de 2011 o paso quedou novamente aberto. Algunhas estimacións sinalaron que o traxecto pode chegar a ser navegábel durante todo o ano aproximadamente no ano 2020 o, que de ser certo, diminuiría considerabelmente o traxecto marítimo entre Europa e Asia, converténdose nunha ruta alternativa ás do Canal de Panamá e o Canal de Suez: en 2011 o traxecto Londres-Osaka supón 23 300 km por Panamá e 21 200 km por Suez; polo paso do Noroeste quedaría reducido a soamente 15 700 km.

O goberno do Canadá considera que os estreitos polos que discorre a ruta do paso do Noroeste forman parte das súas augas interiores,^[8] pero varios países manteñen que en virtude da Convención das Nacións Unidas sobre o Dereito do Mar eses estreitos deben seren considerados estreitos internacionais, o que permitiría o tráfico marítimo libre e sen peaxes.^[9][10] É unha cuestión moi controvertida, xa que nese territorio se encontraron nas últimas décadas importantes reservas de petróleo, gas natural, diamantes e chumbo.

Wikimedia Commons ten máis contidos multimedia na categoría:  Paso do Noroeste

• Berton, Pierre (1988): The Arctic Grail The Quest for the North West Passage and the North Pole, 1818-1909. Nova York: Viking. ISBN 0-670-82491-7.
• Day, Alan Edwin (2006): Historical Dictionary of the Discovery and Exploration of the Northwest Passage Arquivado 02 de xuño de 2020 en Wayback Machine.. Historical dictionaries of discovery and exploration, no. 3. Lanham, Md: Scarecrow Press. ISBN 0-8108-5486-4.
• Griffiths, Franklyn (1987): Politics of the Northwest Passage. Kingston: McGill-Queen's University Press. ISBN 0-7735-0613-6.
• Reverte, Javier (2911): En mares salvajes. Un viaje al ártico. Barcelona: Random House Mondadori. ISBN 978-84-0134-754-2.
• Waterman, Jonathan (2001): Arctic Crossing A Journey Through the Northwest Passage and Inuit Culture Arquivado 02 de xuño de 2020 en Wayback Machine.. Nova York: Knopf. ISBN 0-3754-0409-0.
• Williams, Glyndwr (2003): Voyages of Delusion The Quest for the Northwest Passage. New Haven: Yale University Press. ISBN 0-3000-9866-9.

• Polo Norte
• Océano Ártico
• Canal de Panamá
• Estreito de Anián
• Estreito de Bering

• Norwegian Blue, first British Yacht to transit from West to East.
• Irish Expedition completes the elusive Northwest Passage.
• Arctic Passage at PBS Nova páxina con artigos, fotografías e mapas sobre o Paso do Noroeste, especialmente das expedicins´de Franklin (1845) e Amundsen (1903) .
• Exploration of the Northwest Passage.
• The Sir John Franklin Mystery.
• 'The Great Game in a cold climate'.
• Mission to Utjulik Arquivado 30 de agosto de 2008 en Wayback Machine..
• The Voyage of the Manhattan.
• U.S. nuclear submarines travel in Canadian Arctic waters without permission^{[Ligazón morta]}.
• Canada considers the Northwest Passage its internal waters, but the United States insists it is an international strait.
• Information Memorandum for Mr. Kissinger—The White House 1970.
• CBC Digital Archives—Breaking the Ice: Canada and the Northwest Passage.
• Nova Dania: Quest for the NW Passage—NEARA Journal.
• Artigo sobre o "Northwest Passage" na The Canadian Encyclopedia Arquivado 02 de xaneiro de 2007 en Wayback Machine..
• Tema do grupo de metal Unleash The Archers.