O Ollo da Providencia (ou o ollo de Deus que todo o ve) é un símbolo que representa un ollo arrodeado por raios de luz ou gloria polo xeral pechado nun triángulo. Representa o ollo de Deus observando a humanidade (ou divina providencia).^[1][2][3] Na era moderna, unha representación notable do ollo é o envés do Gran Selo dos Estados Unidos, que aparece no billete de 1 dólar.

A asociación do ollo co concepto da divina providencia non xurdiu até ben entrada a Era cristiá, na iconografía do Renacemento europeo, onde foi unha imaxe explícita da Santa Trindade. Nas representacións do século XVII, o Ollo da Providencia era representado arrodeados por nubes ou raios de sol.^[4]

O Ollo da Providencia aparece en moitos escudos de armas e selos oficiais como:

• Escudo de armas de Brasłaŭ, Belarús
• Escudo de armas de Kalvarija, Lituania
• Escudo de armas e bandeira de Plungė, Lituania
• Escudo de armas e bandeira de Šiauliai, Lituania
• Escudo de armas de Wilamowice, Polonia
• Selo do estado de Colorado
• Selo da Universidade de Mississippi
• Selo da Universidade de Chile
• Selo da cidade de Kenosha, Wisconsin.

Wikimedia Commons ten máis contidos multimedia na categoría:  Ollo da Providencia

• grand lodge of British columbia and yukon - response to claims of masonic origins of symbol.
• grand lodge of British columbia and yukon - graphics from the kneph.