PROFILPELAJAR.COM

**Neso**
Descubrimento
Descuberta por	M. Holman e o seu equipo.; B. Gladman e o seu equipo.
Descuberta o	14 de agosto do 2002
Características orbitais
	Época 10 de xuño do 2003.
Eixo semi-maior	49.285 Gm
Excentricidade	0,5714
Período orbital	9740,73 d ; (26,67 a)
Inclinación	136,439° *
Características físicas
Diámetro medio	60 km**
Período de rotación	?
Albedo	0,04 asumido
Cor	?
Tipo espectral	?
	respecto da eclíptica *baseado no albedo.

Neso (ou en grego Νησώ), coñecido tamén coma Neptuno XIII, é o satélite irregular máis externo de Neptuno. Foi descuberto por Matthew J. Holman, Brett J. Gladman, e o seu equipo. o 14 de agosto do 2002, aínda que pasou inadvertido ata o 2003.^[4]^[5]

Neso orbita Neptuno a unha distancia de máis de 48 Gm (millón de kms), facendo dela a lúa máis distante do seu planeta nai¹. Segue unha órbita cunha gran inclinación orbital e tamén cunha gran excentricidade, ilustrados estes conceptos no diagrama en relación ás outras lúas irregulares de Neptuno. Os satélites arriba do eixo horizontal son de movemento directo, e os satélites por debaixo do eixo son retrógrados. Os segmentos amarelos esténdense dende o pericentro ó apocentro, amosando a excentricidade, fágase notar a acusadisima excentricidade de Neso e Psámate.

Neso ten aproximadamente 60 kms de diámetro, e asumindo unha densidade media de 1,5 g/cm³^[6] a súa masa foi estimada en 1,6 x 10¹⁷ kg.

Dados os parámetros orbitais tan semellantes que posúe esta lúa con relación á lúa e Psámate (S/2003 N 1), suxeriuse que estás dúas lúas podían ter unha orixe común a partir da división dunha lúa maior.^[3]

Neso recibiu o nome dunha das Nereidas. Antes do anuncio do seu nome o 3 de febreiro do 2007 (IAUC 8802), Neso era coñecida coa designación provisional de S/2002 N 4.

¹As distancias están máis en relación cás distancias dos planetas interiores co Sol que coas distancias das lúas comparadas cos seus planetas; un apocentro dun satélite superior ós 72 Gm (72 millóns de kms) coma neste caso en comparación a Mercurio que ten un afelio de ~70 Gm!