O coeficiente, número ou módulo de Reynolds (abreviado como Re) é un número adimensional usado en mecánica de fluídos. O seu nome provén de Osborne Reynolds, un físico e enxeñeiro irlandés. O seu significado físico é un cociente de forzas: forzas de inercia(vρ) entre forzas de viscosidade(μ/D). Exprésase como ${\displaystyle Re={\frac {\rho vD}{\mu }}}$

Onde:

• v - velocidade media do fluído
• D - lonxitude característica do fluxo, o diámetro para o fluxo en tubo
• μ - viscosidade dinámica do fluído
• ρ - densidade do fluído

A grande importancia do número de Reynolds é que permite avaliar a estabilidade do fluxo e polo tanto, indicar se flúe en réxime laminar ou réxime turbulento. Para o importante caso técnico do fluxo nun tubo cilíndrico, admítense polo xeral os valores de 2100 e 10000 como fronteiras. Así, por debaixo de 2100 o réxime será laminar e por enriba de 10000 o réxime será turbulento. Entre estes dous valores o fluxo é de transición e pode pasar de laminar a turbulento.

Este artigo sobre matemáticas é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.