Moses isegawa, pseudónimo de Wava Sey, é un escritor ugandés que vive nos Países Baixos e escribe en inglés.
Biografía
Naceu en 1963 en Kawempe (Uganda) no seo dunha familia da elite local, criouse en Kinunganya co seu avó nos primeiros anos e logo trasladouse coa súa familia a Masaka, onde foi internado nun seminario católico e despois foi para a Universidade de Makerere, onde comezou a escribir e traballou durante catro anos como mestre de historia no ensino público de seu país, ata que en 1990 emigrou aos Países Baixos conseguindo a nacionalidade neerlandesa en 1995. A súa primeira novela, crónicas abisinias, un Bildungsroman que abrangue os anos 1970 e 1980, foi escrito en inglés, pero publicado en neerlandés en 1998.
Obtivo un grande éxito no mercado literario holandés e no 2001 no anglosaxón (Inglaterra, Estados Unidos e Australia), converténdose, xunto a Dubravka Ugrešić, Kader Abdolah, Joydeeep Roy Bhattacharaya e Abderkader Benali, dos mais aclamados escritores da "literatura de inmigrantes" ou literatura trasnacional.
Obras
- Abisinian chronicles ("Crónicas abisinias"): trata sobre unha familia durante o período de independencia de Uganda.
- Snakepit ("Pozo de cobras"): Achéganos á vida cotiá da ditadura de Idi Amin Dada.
- Voorbedachte Daden ("Feitos premeditados").
- The war of ears ("A guerra das orellas").
