Michel Teló

(2011)
Nome orixinal	(pt) Michel Teló de Nereira
Biografía
Nacemento	21 de xaneiro de 1981 (43 anos) Medianeira, Brasil (pt)
Actividade
Ocupación	cantautor, cantante, compositor
Período de actividade	2009 -
Xénero artístico	Sertanejo universitário (pt) e música pop
Tesitura	Tenor
Instrumento	Acordeón e voz
Selo discográfico	Universal Music Group
Familia
Cónxuxe	Thaís Fersoza (2014–)
Sitio web	micheltelo.com.br

Michel Teló, nado en Medianeira (Paraná) o 21 de xaneiro de 1981, é un cantante e compositor brasileiro. Formou parte de dúas bandas, pero foi co grupo Tradição co que obtivo os primeiros éxitos na súa carreira como cantante, entre os que destacan "Barquinho", "O Caldeirão", "Pra Sempre Minha Vida", "A Brasileira", "Ai Se Eu te Pego" e "Eu Quero Você". Ademais de cantante e compositor é un bailarín, e toca o acordeón e harmónica.

A pesar de nacer en Paraná, vive en Campo Grande, Mato Groso do Sur.

A súa canción "Ei, Psiu! Beijo Me Liga" foi un grande éxito en 2010. Ademais desta, tamén foi todo un éxito a canción "Fugidinha", cuxos autores son Rodriguinho e Tiaguinho, integrantes dun grupo brasileiro de pagode orixinario de São Paulo: Exaltasamba. A versión de "Fugidinha" que é interpretada por Michel Teló foi un grande éxito nun programa de televisión brasileiro, coñecido baixo o nome O Melhor do Brasil da cadea Rede Record, e foi parte dous anos consecutivos da banda sonora dunha telenovela xuvenil chamada "Malhação", da cadea Rede Globo.

No reality show Big Brother Brasil 11, transmitido no día 16 de marzo de 2011, Michel Teló participou na festa titulada Sertanejo Universitário, coa participación tamén de João Bosco & Vinícius e Fernando & Sorocaba.^[1]

No 2011 a súa canción "Ai Se Eu Te Pego" foi un éxito.

Coa canción "Ai se eu te Pego" acadou a fama fóra do Brasil debido ao baile do xogador de fútbol profesional Neymar. En España púxose de moda logo da celebración de Cristiano Ronaldo e Marcelo despois de marcar un gol co Real Madrid.

• Sitio web oficialArquivado 28 de decembro de 2012 en Wayback Machine. (en portugués)