Johannes Kabatek, nado en Stuttgart o 31 de marzo de 1965, é un profesor alemán de lingüística románica, catedrático na Universidade de Zürich. É membro correspondente da Real Academia Galega desde 2002[1]. Dirixe o Arquivo Eugenio Coșeriu[2] e é redactor xefe da revista Energeia[3] e da Revista Internacional de Lingüística Iberoamericana (RILI)[4].
Traxectoria
Estudou Filoloxía Románica, Ciencias Políticas e Musicoloxía na Universidade Eberhard Karls de Tubinga, onde foi discípulo de Eugen Coșeriu e de Brigitte Schlieben-Lange. Foi Profesor convidado das universidades da Coruña, Santiago de Compostela, Vigo, Granada, Sevilla, São Paulo, Universidade Católica de Valparaíso e Universidade George-Washington de Saint Louis.
Doutorouse en 1995 na Universidade de Tubinga coa tese Die Sprecher als Linguisten. Interferenz- und Sprachwandelphänomene dargestellt am Galicischen der Gegenwart.
Obra
- Os falantes como lingüistas. Tradición, innovación e interferencias no galego actual, Vigo: Xerais, 2000.
Notas
