Isabel de Angulema

Nome orixinal	(fr) Isabelle d'Angoulême
Biografía
Nacemento	c. 1188
Morte	4 de xuño de 1246 (57/58 anos) Abadia de Fontevrault, Francia
Lugar de sepultura	Abadia de Fontevrault
Actividade
Campo de traballo	Política
Lugar de traballo	Inglaterra
Outro
Título	Duquesa Raíña consorte
Familia	Lista dos condes de Angoulême (pt)
Cónxuxe	Xoán I de Inglaterra (1200 (Gregoriano)–) Hugo X de Lusignan
Fillos	Agatha le Brun  () Hugo X de Lusignan Geoffrey I of Lusignan (Lord of Jarnac)  () Hugo X de Lusignan William de Valence, 1.º conde de Pembroke  () Hugo X de Lusignan Henrique III de Inglaterra  () Xoán I de Inglaterra Ricardo de Cornualla  () Xoán I de Inglaterra Joan of England  () Xoán I de Inglaterra Isabella of England  () Xoán I de Inglaterra Leonor de Inglaterra, Condessa de Leicester  () Xoán I de Inglaterra Hugo XI de Lusignan  () Hugo X de Lusignan Guy de Lusignan  () Hugo X de Lusignan Isabella of Lusignan  () Hugo X de Lusignan Margaret de Lusignan  () Hugo X de Lusignan Aymer de Valence  () Hugo X de Lusignan Alice de Lusignan, Countess of Surrey  () Hugo X de Lusignan
Pais	Aymer, Count of Angoulême   e Alice de Courtenay
Descrito pola fonte	Dictionary of National Biography Obálky knih, A Historical Dictionary of British Women, (p.239)

Isabel de Angulema, nada entre 1186^[1]/1188^[2] e finada na abadía de Fontevrault o 31 de maio de 1246^[3], foi unha nobre francesa, única filla de Aymar III de Angulema, conde de Angulema, e de Alicia de Courtenay, filla á súa vez de Pedro I, señor de Courtenay, fillo do rei Lois VI de Francia.^[4][5]

O mesmo día da súa voda con Hugo X de Lusignan, herdeiro do condado da Márche, foi raptada polo rei Xoán I de Inglaterra, co que casou na cidade de Angulema o 24 de agosto de 1200.^[6] Contaba entón con 12 anos de idade.

En 1189, Xoán casara con Isabel de Gloucester, filla e herdeira de Guillerme FitzRobert, segundo conde de Gloucester. Non tiveron fillos e Xoán pediu a anulación do seu matrimonio alegando consanguinidade -o avó de Isabel era Robert Fitzroy, fillo ilexítimo do rei Henrique I de Inglaterra-, pouco despois da súa ascensión ao trono, que tivo lugar o 6 de abril de 1199.

Isabel tivo co rei cinco fillos, incluíndo a dous homes:

• Henrique III (n. castelo de Winchester, 1-10-1207 - m. Palacio de Westminster, 16-11-1272), sucesor do seu pai no trono de Inglaterra.
• Ricardo (n. castelo de Winchester, 5-1-1209 - m. Berkhamstead, 2-4-1272), creado conde de Cornualla en 1227, e elixido (pero nunca coroado) Rei de Romanos -rei electo de Alemaña- (1257-1272), logo da caída dos Hohenstaufen.
• Xoana (n. Normandía, 22-7-1210 - Havering-atte-Bower, Essex, 5-3-1238), casada con Alexandre II de Escocia.
• Isabel de Inglaterra (n. 1214 - m. Emilia Reggio, Foggia, Italia, 1-12-1241), casada con Frederico II Hohenstaufen, emperador de Alemaña, rei de Sicilia e Xerusalén.
• Leonor (n. 1215 - m. Montargis, Francia, 13-4-1275), casada primeiro con William Marshal, II conde de Pembroke, e logo con Simón de Montfort, o cal sería o virtual gobernante de Inglaterra (1264-1265), durante a revolta dos baróns.

Dous anos máis tarde da súa voda (1202), a morte do seu pai convértea en condesa de Angulema.

Trala morte do rei Xoán o 18 de novembro de 1216, Isabel regresou inmediatamente ao seu condado de Angulema en Francia, deixando en Inglaterra os cinco fillos habidos do seu matrimonio.

O 10 de marzo de 1220, Isabel casou co que fora o seu antigo prometido, agora Hugo X de Lusignan, conde de La Marche desde novembro do ano anterior. Deste matrimonio naceron nove fillos.

1. Hugo XI de Lusignan (1221-1250), Conde de La Marche e Conde de Angulema. Casado con Iolanda de Dreux, condesa de Penthièvre e de Porhoet, con quen tivo fillos.
2. Aymer de Lusignan (1222-1260), bispo de Winchester
3. Inés de Lusignan (1223-1269). Casada con Guillerme II de Chauvigny (d. 1270), con descendencia.
4. Alicia de Lusignan (1224 - 9 de febreiro de 1256). Casada con John de Warenne, VII conde de Surrey, con quen tivo fillos.
5. Guy de Lusignan (c. 1225 a 1264), morreu na Batalla de Lewes. (Tufton Beamish sostén que fuxiu a Francia despois da batalla de Lewes e morreu alí en 1269).
6. Godofredo de Lusignan (c. 1226 a 1274). Casado en 1259 con Xoana, vizcondesa de Châtellerault, con quen tivo fillos.
7. Guillerme de Lusignan (c. 1228 a 1296). 1r conde de Pembroke. Casado Xoana de Munchensi, con quen tivo fillos.
8. Margarida de Lusignan (c. 1229 a 1288). Casada en primeiro lugar en 1243 con Raimundo VII de Tolosa, en segundo lugar c. 1246 con Aimery IX de Thouars, Vizconde de Thouars e tiveron fillos.
9. Isabel de Lusignan (1234 - 14 de xaneiro de 1299). Casada en primeiro lugar antes de 1244 con Mauricio IV de Craon (1224-1250), con quen tivo descendencia, casou en segundo lugar con Geoffrey de Rancon.

Acusada de conspirar contra o rei de Francia en 1244, refuxiouse na abadía de Fontevrault, onde morreu o 31 de maio de 1246, aos 57 anos de idade, sendo sepulta, por propio desexo, no cemiterio da abadía.

Wikimedia Commons ten máis contidos multimedia na categoría:  Isabel de Angulema