|
Helsinki-halli
| Atención: Este artigo ou apartado precisa dun traballo de revisión.
- ligazón a grupos musicais sen traducir e revisar, converter lista arbitraria en redacción enciclopédica referenciada
Por favor, vexa a lista de problemas indicados neste modelo e mellóreo de acordo coas indicacións. Cando os problemas se resolvan, retire esta mensaxe, pero non quite esta mensaxe ata que estea todo solucionado. De ser posible, sería mellor substituír este marcador por outro máis específico. (Desde decembro de 2017) |
O Helsinki-halli (anteriormente chamado Hartwall Arena) é un pavillón multiúsos situado no barrio de Keski-PasilaKeski-Pasila, na cidade de Helsinqui, Finlandia. O pavillón recibe o seu nome do seu principal patrocinador, a empresa de bebidas Hartwall, que ten a súa sede na capital finlandesa. Un dos seus principais usos é para partidos de hóckey sobre xeo, sendo a casa do Jokerit, equipo que compite na SM-liiga (máxima categoría do hóckey sobre xeo finlandés).
Características
O edificio ten forma elíptica de 153 metros de longo e 123 metros de ancho. 37 metros baixo o chan hai unha pista de adestramento empregada por varios equipos de hóckey sobre xeo.
A capacidade máxima para partidos de hóckey sobre xeo é de 13.349 espectadores. O pavillón pode transformarse para acoller diversos eventos, modificándose a súa capacidade: para eventos deportivos oscila entre os 10.000 e os 14.000 espectadores para o baloncesto, para concertos a capacidade máxima é de 13.000 espectadores, mentres que para teatro a capacidade do recinto redúcese a 3.000 ou 5.000 espectadores. Conta cun aparcadoiro con capacidade para 1.421 vehículos.
Historia
A idea idea de construír o pavillón foi de Harry "Hjallis" Harkimo en 1994. Foi construído para acoller o Campionato do Mundo de hóckey sobre xeo en 1997 e a súa construción finalizou o 11 de abril de 1997.
Eventos
- Concertos: 50 Cent, AC/DC, Bryan Adams, Aerosmith, Anastacia, Andrea Bocelli, Backstreet Boys, The Beach Boys, Black Sabbath, James Blunt, Sarah Brightman, Bon Jovi, David Bowie, Michael Bublé, Cher, Eric Clapton, Leonard Cohen, Phil Collins, Depeche Mode, Celine Dion, Bob Dylan, The Eagles, Evanescence, John Fogerty, Genesis, Guns N' Roses, Whitney Houston, Billy Idol, Enrique Iglesias, Il Divo, Iron Maiden, Elton John, Tom Jones, Judas Priest, Justin Bieber, KISS, Lenny Kravitz, Lady Gaga, Jennifer Lopez, Ricky Martin, Mastodon, Paul McCartney, Metallica, George Michael, Kylie Minogue, Muse, Nightwish, No Doubt, Ozzy Osbourne, Laura Pausini, Luciano Pavarotti, P. Diddy, P!nk, Prince, Pussycat Dolls, R.E.M., Rammstein, Red Hot Chili Peppers, Cliff Richard & The Shadows, Rihanna, Rush, Shakira, Snoop Dogg, Britney Spears, Spice Girls, Gwen Stefani, Sting, Tina Turner, Shania Twain, Roger Waters, The Who, Robbie Williams, Yes e Neil Young, entre outros.
- Deportes: Campionato do Mundo de hóckey sobre xeo, Campionato do Mundo de patinaxe artística, Campionato do Mundo de floorball 2002, Thunder Indoor Karting, World Cup of Hockey, NHL Challenge, Monster Jam, tres eventos da WWE en 2002, 2004 e 2005.
- Teatro e espectáculos: Riverdance, Jesus Christ Superstar, Chess, Cats, Les Misérables, Saturday Night Fever, David Copperfield, Mamma Mia! -musical, Disney on Ice.
- Outros eventos: Demo party
- Curiosidade: O 26 de maio de 1998 Geri Halliwell actuou no Hartwall Arena coas Spice Girls por última vez antes da reunión de 2007. Tarja Turunen tamén realizou a súa última actuación como vocalista do grupo de metal sinfónico Nightwish o 21 de outubro de 2005.
O Hartwall Arena foi a sede do Festival de Eurovisión 2007 entre o xoves 10 de maio de 2007 e o sábado 12 de maio de 2007.
Hartwall Arena acolleu en varias ocasión partidos inaugurais da NHL. Os Carolina Hurricanes e os Minnesota Wild inauguraron a tempada 2010–11 da NHL no pavillón os días 7 e 8 de outubro de 2010 como parte dos201 Compuware NHL Premiere Games.[2] Na tempada 2011-12 da NHL o Hartwall Arena acolleu novamente o partido inaugural da NHL, que enfrontou aos Anaheim Ducks e aos Buffalo Sabres o 7 de outubro de 2011.[3] Antes deste partido, os Anaheim Ducks xogaron un partido amigable fronte ao Jokerit no mesmo escenario o 4 de outubro, que finalizou cun marcador de 4 goles a 3 no tempo extra favorable aos estadounidenses.
Entre o 4 e o 20 de maio de 2012, o Hartwall Arena foi a sede principal do Campionato do Mundo de hóckey sobre xeo masculino de 2012, acollendo todos os partidos do Grupo A, varios partidos de cuartos, as semifinais e a final, mentres que o Ericsson Globe de Estocolmo acolleu os encontros do Grupo B e algúns partidos de cuartos. No Campionato do Mundo de hóckey sobre xeo masculino de 2013 foi co-sede xunto co Ericsson Globe, mais desta vez as semifinais e a final disputáronse na capital sueca.
Galería
Notas
|
|
