Hannah e as súas irmás (en inglés: Hannah and Her Sisters) é un filme estadounidense de 1986 escrito e dirixido por Woody Allen, e con el mesmo, Mia Farrow, Michael Caine, Barbara Hershey e Dianne Wiest como actores principais. A pesar de que as personaxes, pertencentes á mesma familia, están constantemente preguntándose sobre o sentido da vida, o sexo e a relixión, o filme ten un toque marcadamente cómico.
Foi emitido na TVG o 5 de setembro de 1998.[1]
Argumento
Elliott e Hannah forman aparentemente unha parella sen problemas, viven felices e son pais de dous nenos. Porén, Elliott está namorado en segredo da irmá de Hannah, Lee, que pola súa banda vive unha relación pesada con Frederick, un home máis vello ca ela, pintor e misántropo. A familia complétase coa terceira irmá, Holly, a ovella negra da familia, por mor da súa inconstancia amorosa e profesional. O exmarido de Hannah, Mickey, produtor de televisión hipocondríaco completa o cadro.[2]
Elenco
Premios
Notas
