Gondomar
Nome	Gondomar Club de Fútbol
Fundación	1914
Estadio	As Gaiandas, Gondomar, Galicia
Inauguración	1944
Capacidade	1450
Presidente	Rosa Álvarez (Rosita Cristaleiro)
Adestrador	Iago González Rodriguez
Liga	Segunda Autonómica Galicia Vigo
2022–23	3º
Vestimenta	BKA
Patrocinador	Servifrei
Na rede
Titular Alternativo

O Gondomar Club de Fútbol é un club de fútbol galego do concello de Gondomar. Foi fundado en 1914 e actualmente compite no Grupo de Vigo da Segunda Autonómica de Galicia. Xoga de local no Campo das Gaiandas.

O equipo foi fundado en 1914 por un grupo de rapaces co nome de Gondomar Football Club, cando en Vigo existían xa o Vigo Foot-ball Club e o Real Club Fortuna. En 1917 mudaron o nome do equipo polo de Gondomar Sporting Club, constituíndose oficialmente ante o Goberno Civil de Pontevedra. Por entón aínda non participaban en competicións oficiais, senón en partidos amigábeis. Xa en 1922 o Gondomar SC e o Iris FC -outro equipo da vila- fundaron o equipo Miñor FC coa intención de federalo, mais pouco despois o Iris FC botouse atrás e fundouse de novo o Gondomar SC. O primeiro campo, na zona das Cercas, foi cedido por Gonzalo Fernández de Córdoba Quesada, undécimo conde de Gondomar.

En 1943 iniciáronse os trámites para construír o campo municipal das Gaiandas, inaugurado en 1944 polo presidente do club, Vicente Vázquez, e o alcalde do concello, Francisco Alborés. O equipo federouse entón co nome de Club Gondomar. Un dos primeiros triunfos acadados foi o campionato do Baixo Miño-Val Miñor, que lle permitiu disputar o título de Campión de Campións cos gañadores das fases celebradas nas outras comarcas do sur de Galicia. Venceu na final ao Coruxo FC.

Logo de anos nas categorías rexionais, na tempada 1980-81 ascenderon a Rexional Preferente. Na tempada 1981-82 quedaron segundos e xogaron a promoción a Terceira contra o Meirás. Empataron na ida xogada en Ferrol e venceron 4-1 no encontro de volta con tres goles de Javier, o que permitiu lograr un novo ascenso. Logo de perder a categoría chegaría a recuperala anos despois. Na década de 1990 volveu xogar nas categorías rexionais, e despois logrou estabilizarse en Rexional Preferente. Nos últimos anos o club sufriu dous descensos de categoría, pasando de disputar a Rexional Preferente á Segunda Autonómica de Galicia.

• Tempadas en 3ª: 14
• Tempadas en Preferente( Serie A): 23
• Tempadas en 1ª Autonómica: 5
• Tempadas en 2ª Autonómica: 4
• Tempadas en Campionatos Comarcais: 21

Participou en dous Campionatos Galegos de Afeccionados e en cinco Copas Galicia.

Tempada Categoría Posto 1994/95 Preferente 6º 1995/96 Preferente 2º 1996/97 Terceira División 13º 1997/98 Terceira División 15º 1998/99 Terceira División 8º 1999/00 Terceira División 11º 2000/01 Terceira División 16º 2001/02 Terceira División 20º 2002/03 Preferente 14º 2003/04 Preferente 9º

Tempada Categoría Posto 2004/05 Preferente 4º 2005/06 Preferente 17º 2006/07 Preferente 15º 2007/08 Preferente 20º 2008/09 1ª Autonómica 10º 2009/10 1ª Autonómica 9º 2010/11 1ª Autonómica 5º 2011/12 1ª Autonómica 3º 2012/13 Preferente 6º 2013/14 Preferente 7º

Tempada Categoría Posto 2014/15 Preferente 8º 2015/16 Preferente 4º 2016/17 Preferente 10º 2017/18 Preferente 17º 2018/19 1ª Autonómica 17º 2019/20 2ª Autonómica 6º 2020/21 2ª Autónómica -- [1] 2021/22 2ª Autónomica 5º 2022/23 2ª Autonómica 3º

• Final da Preferente Autonómica (1) 1985-86
• Preferente Autonómica (1) 1985-86
• Campionato Comarcal de Zonas Baixo Miño – Val Miñor (1) 1955
• Copa Comarcal (1) 1981

• Datos do club en lapreferente.com (en castelán)
• Datos do club en resultados-futbol.com (en castelán)
• Datos do club en siguetuliga.com (en castelán)