Francisco Garmendia Agirrezabalaga, nado en Azpeitia, en 1946 e finado en Zumaia o 3 de decembro de 2015, foi un sociólogo, catedrático universitario e político vasco.[1][2]
Traxectoria
Cursou os seus estudos en Teoría Política na Universidade de Múnic, onde se doutorou, e en Ciencias Políticas na Universidade Complutense de Madrid. Desenvolveu o seu labor educativo na Universidade de Deusto (1977-2011) onde foi catedrático de Socioloxía, director do máster sobre Xestión do Coñecemento e decano da Facultade en dúas ocasións.[1][3][4] Tamén dirixiu a Escola de Maxisterio.[2] No edito político, foi o primeiro director xeral de Política Lingüística do Goberno vasco, sendo lehendakari Carlos Garaikoetxea.[2]
Foi autor de diversas publicacións sobre a situación social e política do País Vasco como Pueblo vasco y soberanía: aproximación histórica y reflexión ética, La democracia a debate. Democracia y participación ou o libro La soberanía en relación al pueblo vasco: dos siglos de confrontación 1802-2002, aproximación histórica; ademais colaborou en obras colectivas como Debate sobre economía. La crisis anunciada ou Política y valores en Vasconia.[4][5]
Notas
- ↑ 1,0 1,1 Universidade de Deusto (ed.). "Fallecimiento de Francisco Garmendia Agirrezabalaga (Azpeitia, 1946 – Zumaia, 2015)". Arquivado dende o orixinal o 19 de abril de 2016. Consultado o 14 de novembro de 2016.
- ↑ 2,0 2,1 2,2 "Fallece el sociólogo Francisco Garmendia, integrante del primer Gobierno Vasco".
- ↑ "Los puentes de Deusto. Actas de un debate universitario". La convivencia en la sociedad vasca. Universidad de Deusto. ISBN 978-84-9830-606-4.
- ↑ 4,0 4,1 Etor-Ostoa (ed.). Debate sobre economía La crisis anunciada (PDF). ISBN 978-84-96288-77-5.
- ↑ Biblioteca Nacional de España. "Garmendia, Francisco (1946-)".
