Francisco Candeira

Biografía
Nacemento	26 de febreiro de 1956 (68 anos) Ponteareas, España
Alcalde de Ponteareas
2003 – maio de 2004 (moción de censura) ← Nava Castro – Salvador González Solla →
Datos persoais
Educación	Universidade de Santiago de Compostela
Actividade
Ocupación	político, historiador, profesor de ensino secundario
Partido político	Partido Socialista Obrero Español
Membro de	Partido dos Socialistas de Galicia

Francisco de Asís Candeira Mosquera "Pancho", nado en Ponteareas o 26 de febreiro de 1956, é un historiador e político galego.

Residiu en Vigo onde cursou estudos non universitarios, con frecuentes estancias en Ponteareas. Na Universidade de Santiago de Compostela estudou Xeografía e Historia entre 1973 e 1978, especializándose en Historia Contemporánea (1978).

Na súa etapa universitaria foi militante do Partido Socialista Galego e participou na campaña das primeiras eleccións democráticas de 1977 en España, onde coñeceu persoalmente o poeta Celso Emilio Ferreiro.^{[Cómpre referencia]}

Dende 1979 exerceu como profesor titular de Xeografía, Historia e Lingua Galega e Literatura nun Instituto de Vigo. A partir de 1983 pasou a residir permanentemente en Ponteareas. Foi profesor no colexio San Miguel II, onde se xubilou en 2021.

Foi cofundador, en 1984, da revista A Peneira na que colaborou tamén con distintos artigos. Colaborou na revista Grial (nº 81), en La Voz de Galicia, e nas ponteareás Lonxe da Terriña, Soberosum e Pregón.

Dende 2001 ata xullo de 2011 foi o Secretario Xeral da Agrupación de Ponteareas do PSdeG-PSOE. Ten participado en calidade de delegado en cinco congresos nacionais galegos e en dúas conferencias políticas do PSdeG, así como no 37 Congreso Federal do PSOE de xullo do 2008.

Concelleiro en Ponteareas polo PSdeG-PSOE entre 1983 e 1987 e entre 1999 e 2011. Candidato á alcaldía de Ponteareas en 2003, 2007 e 2011. En xuño de 2003 foi nomeado alcalde de Ponteareas cargo que exerceu ata maio de 2004,^[1] sendo o responsable da retirada da Praza Maior da vila o busto do xeneral Franco e da eliminación dos nomes franquistas das rúas de Ponteareas.^{[Cómpre referencia]}

Predecesor: Nava Castro

Alcalde de Ponteareas  2003 - 2004

Sucesor: Salvador González Solla

• Caciquismo e poder local na Galicia da Restauración (Distrito de Ponteareas, 1881-1894), 1990.
• O Condado na IIª República (1931-1939), 1999.
• Crimes antigos na Galicia rural (O Condado, 1911-1937). 2022.
• Crímenes antiguos en la Galicia rural, 2022.
• A obra literaria de Roque Pesqueira Crespo (Obra completa), 2022.

• Da terra espoliada. Poder político, control social, explotación económica e fame no primeiro franquismo. O Condado 1936-1959, 2023.

• Eleccións municipais en Ponteareas