PROFILPELAJAR.COM

Fosforilase
	Homodímero da glicóxeno fosforilase
Identificadores
Número EC	2.4.1.1
Número CAS	9035-74-9
Bases de datos
IntEnz	vista de IntEnz
BRENDA	entrada de BRENDA
ExPASy	vista de NiceZyme
KEGG	entrada de KEGG
MetaCyc	vía metabólica
PRIAM	perfil
Estruturas PDB	RCSB PDB PDBe PDBj PDBsum
Procura
PMC	artigos
PubMed	artigos
NCBI Protein	procura

En bioquímica, as fosforilases son encimas que catalizan a adición dun grupo fosfato desde un fosfato inorgánico (fosfato + hidróxeno) a un aceptor.

A-B + P ⇌ A + P-B

Entre eles están encimas alostéricos que catalizan a produción de glicosa 1-fosfato a partir dun glucano como o glicóxeno, amidón ou maltodextrina.

Fosforilase é tamén un nome abreviado que se lle dá ás veces á glicóxeno fosforilase, que foi a primeira fosforilase descuberta, grazas aos traballos de Earl W. Sutherland Jr. a finais da década de 1930. Porén, actualmente coñécense outras fosforilases.^[1]

Función

As fosforilases non deberían confundirse coas fosfatases nin coas quinases. En temos xerais, as fosorilases son encimas que catalizan a adición dun grupo fosfato dun fosfato inorgánico (fosfato + hidróxeno) a un aceptor, mentres que as fosfatases (unhas hidrolases) quitan grupos fosfato de moléculas doantes usando auga por medio dunha reacción de hidrólise, e as quinases (unhas fosfotransferases) transfiren un grupo fosfato desde un doante (xeralmente ATP) a un aceptor.

Nome do encima	Clase do encima	Reacción	Notas
Fosforilase	Transferase (EC 2.4 e EC 2.7.7)	A-B + H-OP ⇌ A-OP + H-B	grupo de transferencia = A = grupo glicosilo ou grupo nucleotidilo
Fosfatase	Hidrolase (EC 3)	P-B + H-OH ⇌ P-OH + H-B
Quinase	Transferase (EC 2.7.1-2.7.4)	P-B + H-A ⇌ P-A + H-B	grupo de transferencia = P
P = grupo fosfonato, OP = grupo fosfato, H-OP ou P-OH = fosfato inorgánico

Tipos

As fosforilases divídense nas seguintes categorías:

Glicosiltransferases (EC 2.4)
- Encimas que degradan glucanos quitando un residuo de glicosa (rompen enlaces O-glicosídico)
- Encimas que degradan nucleósidos nas bases e azucres que os constitúen (rompen enlaces N-glicosídicos)
  - Nucleósido púrico fosforilase (PNPase)
Nucleotidiltransferases (EC 2.7.7)
- Encimas que teñen actividade fosforolítica de exorribonuclease 3' a 5' (rompen enlaces fosfodiéster)
  - RNase PH
  - Polinucleótido fosforilase (PNPase)

Todas as fosforilases ata agora coñecidas comparten propiedades cataliticas e estruturais.^[2]

Activación

A fosforilase a é a forma R máis activa da glicóxeno fosforilase, que deriva da fosforilación da forma R menos activa, a fosforilase b con AMP asociado. A forma T inactiva pode ser fosforilada por unha fosforilase quinase e inhibida pola glicosa, ou pode ser desfosforilada por unha fosfoproteína fosfatase e inhibida polo ATP e/ou a glicosa 6-fosfato. Para a fosforilación cómpre ATP, pero a desfosforilación libera ións fosfato inorgánicos libres.

Patoloxía

Algúns trastornos están relacionados coas fosforilases, como:

Enfermidade de almacenamento do glicóxeno de tipo V - glicóxeno muscular
Enfermidade de almacenamento do glicóxeno de tipo VI - glicóxeno hepático.

Notas

↑ Nelson DL, Lehninger AL, Cox MM (2005). Lehninger Principles of Biochemistry (5ª ed.). W. H. Freeman. p. 603. ISBN 978-0-7167-4339-2.
↑ "PROSITE documentation PDOC00095 [for PROSITE entry PS00102]". PROSITE.

Véxase tamén

Outros artigos

Ligazóns externas

Muscle phosphorylase deficiency - McArdle's Disease Website
Phosphorylases Medical Subject Headings (MeSH) na Biblioteca Nacional de Medicina dos EUA.

Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.