As eleccións xerais de España de 1907 foron convocadas o 21 de abril, trala crise do goberno liberal pola dimisión de Eugenio Montero Ríos debido aos incidentes que se sucederon tralo asalto á revista ¡Cu-Cut! en 1906. As eleccións celebráronse baixo sufraxio universal masculino. En total foron elixidos 404 deputados, e o partido máis votado foi o Partido Conservador, dirixido por Antonio Maura. O partido liberal quedou moi debilitado, e ademais presentouse por separado a sección liberal demócrata de José Canalejas.
O xefe de goberno foi Antonio Maura, quen debido á Guerra de Marrocos e a durísima represión no que se coñece como a Semana Tráxica (coa condena a matar de Francesc Ferrer i Guàrdia) foi destituído en outubro de 1909. Foi substituído entón polo liberal Segismundo Moret, pero non contaba co apoio do seu propio partido e tivo que dimitir o 9 de febreiro de 1910, de maneira que se convocaron novas eleccións.
Composición do Congreso dos Deputados tralas eleccións
_b.jpg){kind=small}
