DuPont ou E. I. du Pont de Nemours and Company é unha multinacional química estadounidense. Foi fundada en 1802 por Eleuthère Irénée du Pont. É unha das máis grandes empresas do sector químico xunto con Basf ou Dow Chemical Company.
DuPont desenvolveu o freón (clorofluorocarbonos) como refrixerante industrial, e posteriormente alternativas máis ecolóxicas.
Historia
Vagón para explosivos Dupont.
Fundación (1802)
DuPont foi fundada en 1802 por Eleuthère Irénée du Pont, con capital obtido en Francia e maquinaria para pólvora importada de Francia. A empresa fundouse en Eleutherian Mills, no regato Brandywine, cerca de Wilmington, Delaware, dous anos despois de que el e a súa familia saíran de Francia para escapar da Revolución Francesa. Comezou como fabricante de pólvora, mais du Pont deuse conta de que a industria en América do Norte non estaba ao nivel de Europa. A empresa medrou rapidamente, e a mediados do século XIX xa era o maior provedor de pólvora do país, chegando a subministrar a metade da pólvora usada polo exército da Unión durante a Guerra Civil Americana. O Eleutherian Mills foi declarado Monumento Histórico Nacional en 1966 e hoxe é un museo.
Expansión, dende 1902 ata 1912
DuPont seguiu medrando, avanzando na produción de dinamita e pólvora sen fume. En 1902, o presidente de DuPont, Eugene du Pont morreu e os socios sobreviventes venderon a compañía a tres bisnetos do fundador. Posteriormente, a compañía adquiriu varias pequenas empresas de produtos químicos, e en 1912 estas accións deron lugar a unha investigación do goberno baixo a Ley Sherman Antimonopolio. Os tribunais declararon que a posición dominante da compañía no negocio de explosivos constituía un monopolio e ordenou a desinversión. A decisión xudicial deu lugar á creación da Sociedade Hercules Powder (agora Hercules Inc.) e a Compañía Atlas Powder (comprada por Imperial Chemical Industries (ICI) e agora parte de AstraZeneca).
En 1910, DuPont publicou un folleto titulado "Farming with Dynamite" ("A agricultura con Dinamita"). O folleto era instrutivo, describindo os beneficios de utilizar os seus produtos de dinamita en toros e noutros obstáculos que sería máis fácil eliminar con dinamita fronte a outros métodos máis convencionais, aínda que ineficaces.
DuPont tamén estableceu un dos primeiros laboratorios industriais dos Estados Unidos, onde comezaron os traballos sobre celulosa química, lacas e outros produtos non explosivos. DuPont Central Research estableceuse na Estación Experimental de DuPont, no regato Brandywine.
Investimentos, 1914
En 1914, Pierre S. du Pont investiu nos inicios da industria do automóbil, coa compra de accións de General Motors (GM). Ao ano seguinte foi invitado a formar parte do Consello de Administración de GM, e co tempo sería nomeado presidente da compañía. DuPont axudaría á empresa de automóbiles cunha compra de 25 millóns de dólares en accións de GM. En 1920, Pierre S. du Pont foi elixido presidente de General Motors. Baixo a dirección de du Pont, GM converteuse na primeira compañía de automóbiles do mundo. En 1957, DuPont foi obrigado a vender as accións en General Motors.
Primeiras invencións, 1920
Na década de 1920 DuPont continuou coa súa teima na ciencia dos materiais, a contratación de Wallace Carothers para traballar con polímeros en 1928. Carothers descubriu o neopreno, o primeiro caucho sintético, o primeiro poliéster superpolímero e en 1935, o nailon, e o descubrimento do teflón seguido uns anos máis tarde. DuPont introduciu a fenotiazina como insecticida en 1935.
Segunda guerra mundial, dende 1941 ata 1945
Nese tempo, a compañía continuou sendo un importante produtor de material de guerra. Como inventor e fabricante de nailon, DuPont axudou a producir a materia prima para os paracaídas, munición e pneumáticos.
DuPont tamén tivo un papel importante no Proxecto Manhattan, en 1943, no deseño, construción e operación da planta de plutonio en Hanford, Washington, e na planta de Savannah River en Carolina do Sur.
Era espacial, desde 1950 ata 1970
Despois da guerra, DuPont continuou na súa teima en novos materiais, no desenvolvemento do Mylar, Dacron, Orlon e Lycra na década de 1950, e Tyvek, Nomex, Qiana, Corfam e Corian na década de 1960. Materiais de DuPont foron fundamentais para o éxito do proxecto Apollo, o programa espacial dos Estados Unidos.
Na segunda guerra mundial o nailon balístico de DuPont foi utilizado pola Royal Air Force para facer chalecos antibalas. Co desenvolvemento do Kevlar na década de 1960, DuPont comezou as probas para ver se podía resistir unha bala de chumbo.
Século XXI
En 2004 a empresa vendeu o seu negocio de téxtiles, que incluía algunhas das súas marcas máis coñecidas, tales como Lycra (spandex), dacrón poliéster, Orlon acrílico, Antron nailon e Thermolite, a Koch Industries. DuPont tamén fabrica Surlyn, que se emprega para as cubertas de pelotas de golf.
Dende 2011, DuPont é o maior produtor de dióxido de titanio no mundo, empregado principalmente como un pigmento branco utilizado na industria do papel.
Produtos
Moitos plásticos son coñecidos baixo o nome comercial de DuPont, por exemplo:
Nafion (membrana de electrólito da cela de combustible PEM)
Crastin
Typar
En revestimentos incluídos DuPont Refinish coa marca DuPont, Standox, Spies Hecker e os maiores fabricantes do mundo de pinturas para coches.
DuPont en España
DuPont Asturias, S.L. está situada no val de Tamón-Nubledo e é a instalación produtiva e de servizos máis moderna de DuPont en Europa. A construción da planta iniciouse en 1990. A fábrica ten tres plantas de produción de Nomex, Sontara e produtos fitosanitarios, pesticidas.
Tamén é o centro de servizos de finanzas e apoio ás subsidiarias da compañía en Europa, Oriente Medio e África[1].
