Duško Ivanović

(2022)
Nome orixinal	(sr-cyrl) Душко Ивановић (sr-latn) Duško Ivanović
Biografía
Nacemento	1 de setembro de 1957 (67 anos) Bijelo Polje, Montenegro (pt)
Altura	196 cm
Peso	95 kg
Actividade
Ocupación	baloncestista, adestrador de baloncesto
Período de actividade	1980 - 1994
Deporte	baloncesto
Posición de xogo	Base
Traxectoria   Equipo 1980–1987 KK Budućnost Podgorica 1987–1990 KK Split 1990–1992 CB Sant Josep 1992–1993 CSP Limoges 1993–1993 CB Sant Josep 1993–1994 Fribourg Olympic 1995–1996 Fribourg Olympic   Adestrador 1993–1994 Fribourg Olympic (pt) (segundo adestrador) 1994–1995 CB Sant Josep (segundo adestrador) 1995–1999 Fribourg Olympic (pt) 1997–2000 Switzerland men's national basketball team (en) 1999–2000 CSP Limoges 2000–2005 Saski Baskonia 2005–2008 FC Barcelona Bàsquet 2008–2012 Saski Baskonia 2014–2016   Seleção Bósnia de Basquetebol (pt) 2014–2015 Panathinaikos BC 2016–2017 BC Khimki 2018–2019 Beşiktaş Milangaz 2019–2021 Saski Baskonia 2022–2023 KK Crvena zvezda

Duško Ivanović, nado en Bijelo Polje (daquela pertencente a Iugoslavia) o 1 de setembro de 1957, é un ex xogador e adestrador profesional de baloncesto montenegrino. Actualmente é adestrador da Selección de baloncesto de Bosnia e Hercegovina.

Comezou a súa carreira como xogador no KK Jedinstvo - Bijelo Polje. Xogou ademais no Budućnost, Jugoplastika de Split, Valvi Girona, CSP Limoges e Fribourg Olympic, destacando a súa etapa na Jugoplastika, club co que gañou dúas Copas de Europa de xeito consecutivo a finais dos anos '80. Ademais foi internacional coa selección iugoslava.

Nos seus últimos anos como xogador comezou a súa carreira como adestrador, primeiro no Fribourg Olympic suízo na tempada 1993-94 como xogador e segundo adestrador. Na tempada 1994-95 foi segundo adestrador do Valvi Girona da Liga ACB, e ao ano seguinte volveu a Suíza para xogar unha última tempada no Fribourg, á vez que se fixo cargo da dirección do equipo. Trala súa retirada como xogador iniciou a carreira de adestrador en Suíza. Logo dunha tempada no CSP Limoges francés na que gañou unha Copa Korać (2000) asinou polo Saski Baskonia (daquela Tau Cerámica), club co que gañou unha Liga ACB e dúas Copas do Rei, ademais de levar ao equipo vitoriano a disputar a final da Euroliga (2001 e 2005). Tras cinco tempadas no club vasco, no verán do 2005 asinou polo FC Barcelona, sendo destituído o 14 de febreiro do 2008 tras caer eliminado nos cuartos de final da Copa do Rei ante o debutante Iurbentia Bilbao Basket e efectuar unhas declaracións en contra do equipo que tiña. O 17 de xuño do 2008 volveu ao Baskonia, club polo que asinou por tres tempadas. Na tempada 2009-10 gañou a Liga ACB á fronte do Baskonia tras derrotar ao gran favorito, o FC Barcelona, por un 3-0 na final, na que os cataláns contaban co factor cancha a favor.

Entre 1997 e o 2000 ostentou o cargo de seleccionador suízo.

No 2006 tomou parte a prol da independencia de Montenegro no plebiscito do 2006.

• KK Budućnost Podgorica (Iugoslavia): 1985-87.
• Jugoplastika de Split (Iugoslavia): 1987-90.
• Valvi Girona (Cataluña): 1990-92.
• CSP Limoges (Francia): 1992.
• Valvi Girona (Cataluña): 1992-93.
• Fribourg Olympic (Suíza): 1993-1994 e 1995-1996.

• Fribourg Olympic (Suíza): 1993-94. Xogador e segundo adestrador.
• Valvi Girona (Cataluña): 1994-95 : Segundo adestrador, axudante de Joaquim Costa.
• Fribourg Olympic (Suíza): 1995-1996. Xogador e primeiro adestrador.
• Fribourg Olympic (Suíza): 1996-1999.
• Seleccionador suízo: 1997-2000.
• CSP Limoges (Francia): 1999-2000.
• Saski Baskonia (Euskadi): 2000-2005.
• FC Barcelona (Cataluña): 2005-febreiro de 2008.
• Saski Baskonia (España): 2008-2012
• Seleccionador bosníaco: 2014-presente.

• 2 Copas de Europa coa Jugoplastika de Split.
• 2 Ligas iugoslavas coa Jugoplastika de Split.
• 1 Copa de Iugoslavia coa Jugoplastika de Split.

• Títulos internacionais:

• Campión da Copa Korać co CSP Limoges na tempada 1999-2000.
• Subcampión da Euroliga co TAU Cerámica nas tempadas 2000-01 e 2004-05.

• Títulos en Suíza:

• 3 Ligas suízas co Frigourg Olympic nas tempadas 1996-97, 1997-98 e 1998-99.
• 1 Copa de Suíza co Fribourg Olympic na tempada 1997-98.

• Títulos en Francia:

• 1 Liga francesa co CSP Limoges na tempada 1999-2000.
• 1 Copa de Francia co CSP Limoges na tempada 1999-2000.

• Títulos en España:

• 2 Ligas ACB co Baskonia nas tempadas 2001-2002 e 2009-2010.
• 4 Copa do Rei: 2001-2002, 2003-2004 e 2008-2009 co Baskonia, e 2006-2007 co FC Barcelona.

• Nomeado “Adestrador do Ano” da tempada 2000-01 pola Asociación Española de Entrenadores de Baloncesto (AEEB)
• Nomeado "Mellor Adestrador da tempada 2001-02 pola revista "Gigantes del Basket".
• Adestrador do Equipo Norte no ACB All Star de Alacant-2003.
• Nomeado Mellor Adestrador da ACB na tempada 2008-09 pola Asociación Española de Entrenadores de Baloncesto (AEEB) e a ACB.

• Perfil como xogador en ACB.com
• "Todo sobre Dusko"
• Estatísticas de Ivanović en www.fibaeurope.com
• Carreira de Ivanović en basketpedya.com^{[Ligazón morta]}