David C. Harper, nado en Gary, Indiana, o 24 de xullo de 1955, é un xornalista e editor numismático estadounidense.
Traxectoria
David Harper iniciouse no mundo do coleccionismo numismático en 1963, á idade de oito anos, cunha modesta colección de moedas dun centavo de dólar, e en 1969 subscribiuse á revista Numismatic News, sen saber que anos despois marcaría o seu futuro profesional.[1]
Harper cursou os seus estudos superiores de Xornalismo e de Economía,[1] na Universidade de Wisconsin en Oshkosh, onde se graduou en 1977.[2]
O 17 de abril de 1978 ingresou na editora numismática Krause Publications, e durante as súas catrio décadas de vinculación con esa compañía foi editor de varias revistas numismáticas, como Coins Magazine, World Coin News, Bank Note Reporter e Numismatic News.[1][2]
Entre outros cargos en entidades de carácter asociativo, Harper foi membro da xunta directiva do Numismatic Literary Guild (NLG) entre 1989 e 1991.[2]
Recoñecementos
Notas
- ↑ 1,0 1,1 1,2 1,3 "David C. Harper". En The Most Influential People in Numismatics 1960-2020. Coin World. Páxina 96.
- ↑ 2,0 2,1 2,2 2,3 2,4 Smith, P. (2012).
- ↑ 3,0 3,1 3,2 "American Numismatic Association Past Award Recipients". American Numismatic Association.
- ↑ "The Clemy Award Winners". Numismatic Literary Guild.
Véxase tamén
Bibliografía
Outros artigos