O Ciclo de Carnot é un ciclo termodinámico executado pola Máquina de Carnot, idealizada polo enxeñeiro francés Sadi Carnot e que ten funcionamento apenas teórico (aínda non foi posíbel criar unha Máquina de Carnot).

Funcionando entre dúas transformacións isotérmicas e dúas adiabáticas alternadamente, é o ciclo que presenta menor transmisión de calor para o foco frío e ó polo tanto o que ten o maior rendemento.

O rendemento da máquina en porcentaxe é igual a:

${\displaystyle \left(1-{\frac {T_{c}}{T_{h}}}\right)\times 100\%}$

Onde:

${\displaystyle T_{c}}$ = Temperatura da fonte fría (en Kelvin)

${\displaystyle T_{h}}$ = Temperatura da fonte quente (en Kelvin)

A posibilidade de interconversión entre calor e traballo posúe restricións para as chamadas máquinas térmicas. O Segundo Principio da Termodinámica, elaborado en 1824 por Sadi Carnot, é enunciado da seguinte forma:

"Para haber conversión continua de calor en traballo, un sistema debe realizar ciclos entre fontes quentes e frías, continuamente. En cada ciclo, é retirada unha certa cantidade de calor da fonte quente (enerxía útil), que é parcialmente convertida en traballo, sendo o restante rexeitado para a fonte fría (enerxía disipada)"

O rendemento dunha máquina térmica é dada polo cociente do traballo pola enerxía útil, onde o traballo é definido pola diferenza da enerxía útil pola enerxía disipada.

Rendemento da Máquina (r)

${\displaystyle r={\frac {W}{Q_{a}}}}$

Rendemento da Máquina en % (r)

${\displaystyle r=(1-{\frac {Q_{b}}{Q_{a}}})\ x100\%}$

Traballo (w)

${\displaystyle W={Q_{a}}-{Q_{b}}}$

onde:

${\displaystyle {r}}$ é o rendemento;

${\displaystyle {Q_{a}}}$ é a enerxía útil;

${\displaystyle {W}}$ é o traballo;

${\displaystyle {Q_{b}}}$ é a enerxía disipada;

O Ciclo de Carnot demostra que o maior rendemento posíbel para unha máquina térmica é o dunha máquina que realizase un ciclo de dúas transformacións adiabáticas e dúas transformacións isotérmicas, alternadas entre si, de acordo co esquema:

1) proceso isotérmico reversíbel, no cal a calor é trasladada do, ou para o reservatorio de alta temperatura;

2) proceso adiabático reversíbel, no cal a temperatura do fluído de traballo dun reservatorio a alta temperatura diminúe até o outro;

3) proceso isotérmico reversíbel, cuxa calor é trasladado do, ou para o reservatorio de menor temperatura;

4) proceso adiabático reversíbel, en que a temperatura do fluído de traballo vai aumentando desde o reservatorio (a baixa temperatura) até o outro.

Wikimedia Commons ten máis contidos multimedia na categoría:  Ciclo de Carnot