Cathy Young, nada como Ekaterina Jung (en ruso: Екатерина Юнг, en Moscova o 10 de febreiro de 1963, é unha xornalista e escritora rusa-estadounidense cuxo traballo propugna unha versión moderada do libertarismo, así como o feminismo da igualdade. É autora de dous libros, colaboradora frecuente da revista libertaria Reason, e columnista regular para Newsday e RealClearPolitics.com.
Traxectoria
Nada en Moscova, tiña 17 anos cando a súa familia emigrou ós Estados Unidos en 1980, converteuse nun cidadá naturalizada en 1987 como Catherine Alicia Young. Gradouse na Universidade de Rutgers en 1988. En Rutgers escribiu unha columna para o xornal estudantil diario Targum e traballou como escritora do estudante para The Detroit News. Tamén completou a súa autobiografía, publicada en 1989 e continúa a súa asociación con The Detroit News, onde foi columnista habitual dende 1993 até 2000 e traballou como xornalista independente para diversas publicacións como The New York Times, The Washington Post, The Philadelphia Inquirer, Newsday, The New Republic, The Wall Street Journal, The American Spectator, National Review, Salon.com, The Weekly Standard, e Reason. No seu segundo libro, publicado en 1999, criticou tanto o feminismo como o tradicionalismo dende o que describiu como un punto de vista proigualdade, unha filosofía que, segundo ela, pode ser chamado "feminismo ou algunha outra cousa".[1][2]
Notas
- ↑ Young, Cathy, Ceasefire!: Why Women and Men Must Join Forces to Achieve True Equality (N.Y.: Free Press, 1999 (ISBN 0-684-83442-1)), p. 10 (Introduction: The Gender Wars).
- ↑ Young, Cathy, Ceasefire!, op. cit., p. 11 (Introduction).
Véxase tamén
Ligazóns externas
