Campionato Mancomunado Galaico-Ástur

Modelo:Competición deportivaCampionato Mancomunado Galaico-Ástur
Tipoliga de fútbol Editar o valor en Wikidata
OrganizadorReal Federación Española de Fútbol Editar o valor en Wikidata
Parte deCampionatos rexionais de fútbol en España Editar o valor en Wikidata
Número de participantes6 Editar o valor en Wikidata
Localización  e  Datas
Localización Galicia (España)
Asturias (España) Editar o valor en Wikidata
PaísEspaña Editar o valor en Wikidata
Vixencia1934 – 1936 Editar o valor en Wikidata

O Campionato Superrexional Grupo 1º (Galicia-Asturias),[1] tamén chamado popularmente Campionato Mancomunado Galaico-Ástur, foi un torneo interterritorial de fútbol de carácter oficial xogado por clubs galegos e asturianos durante as tempadas 1934/35 e 1935/36. Estaba situado xerarquicamente por riba do Campionato de Galicia e do Campionato de Asturias, de xeito que os clubs que tomaban parte no mancomunado non participaban no campionato galego nin no asturiano.

Historia

En 1934 a asemblea da Federación Española de Fútbol aprobou unha reestruturación das competicións futbolísticas, mediante a cal se crearon unha serie de Campionatos Superrexionais situados xerarquicamente por riba dos campionatos rexionais organizados pola federacións territoriais que se tiñan disputado tradicionalmente ata aquel momento. Galicia e Asturias foron incluídas no Grupo 1º, aportando tres equipos cada unha, formando así un campionato de seis equipos.[1][2][3][4][5]

A edición de 1934/35 viuse interrompida por causa da Folga xeral revolucionaria de 1934, dividíndose a competición en dous grupos: o asturiano e o galego[1][6], nos que resultaron gañadores o Oviedo F.C. e o Celta de Vigo respectivamente[1][7].

Ao ano seguinte volveuse disputar, desta volta sen os problemas do ano anterior, proclamándose campión o Oviedo F.C. e subcampión o Unión Sporting Club de Lavadores[8]. Esta sería a derradeira vez que se disputou. O 29 de maio de 1936, galegos e asturianos solicitaron a división do grupo superrexional perante a Asemblea anual da Federación Española de Fútbol, séndolles concedida.[9][10]

Pouco despois comezaría a guerra civil española. Os Campionatos Superrexionais non serían recuperados trala fin da contenda.

Campións

Tempada Campión Subcampión Notas
1934-35 Galicia Celta de Vigo Galicia Deportivo da Coruña Grupo galego
Asturias Oviedo F.C. Asturias Sporting de Xixón Grupo asturiano
1935-36 Asturias Oviedo F.C. Galicia Unión Sporting Club

Notas

  1. ↑ 1,0 1,1 1,2 1,3 Federación Española de Fútbol (1936). "Las competiciones oficiales". Federación Española de Fútbol. Anuario 1936. pp. 121–124. 
  2. ↑ "El plan de competiciones para la temporada 1934-35". Luz nº 811 (en castelán). 11 de agosto de 1934. p. 10. 
  3. ↑ "El plan de competiciones para la temporada 1934-35". El Tiempo: Diario Independiente nº 8.505 (en castelán). 11 de agosto de 1934. p. 1. 
  4. ↑ "El plan de competiciones para la temporada 1934-35". El Tiempo: Diario Independiente nº 8.505 (en castelán). 11 de agosto de 1934. p. 2. 
  5. ↑ "La reorganización federativa y el plan de competición para la próxima temporada". La Libertad nº 4.490 (en castelán). 12 de agosto de 1934. p. 6. 
  6. ↑ "Cosas del balón. En torno a la desintegración galaicaastur". La Voz nº 4.309 (en castelán). 1 de novembro de 1934. p. 6. 
  7. ↑ "Los campeonatos superregionales de fútbol". La Voz nº 4.330 (en castelán). 26 de novembro de 1934. p. 11. 
  8. ↑ "El Oviedo, vencedor; el Unión, segundo". El Pueblo Gallego nº 3.703 (en castelán). 5 de novembro de 1935. p. 4. 
  9. ↑ "Fútbol. La Asamblea nacional de la Federación Española". La Libertad nº 5.043. 30 de maio de 1936. p. 7. 
  10. ↑ "Los deportes". El Correo Gallego nº 20.186. 23 de outubro de 1936. p. 3. 

Véxase tamén

Outros artigos