O Boeing KC-46 Pegasus é un avión militar de repostaxe en voo e transporte estratéxico desenvolvido por Boeing a partir do avión de pasaxeiros Boeing 767. En febreiro do ano 2011, o modelo foi seleccionado pola Forza Aérea dos Estados Unidos (USAF) como gañador da competición do avión cisterna KC-X para substituír os vellos KC-135 Stratotankers. O primeiro avión foi entregado en xaneiro de 2019 á USAF, que pretende mercar 179 Pegasus ata 2027.
