Benjamín Argiz Fiunte

Modelo:BiografíaBenjamín Argiz Fiunte
Biografía
Nacementoc. 1918 Editar o valor en Wikidata
Chantada, España Editar o valor en Wikidata
Morte20 de decembro de 1939 Editar o valor en Wikidata (20/21 anos)
Chantada, España Editar o valor en Wikidata
Causa da morteexecución extraxudicial, ferida por arma de fogo Editar o valor en Wikidata
Actividade
Ocupaciónmaquis Editar o valor en Wikidata
Nomes e Voces: 3150

Benjamín Argiz Fiunte, nado en Chantada cara a 1918 e finado no mesmo concello o 20 de decembro de 1939, foi un guerrilleiro antifranquista galego.

Traxectoria

Veciño de Arcos. Logo do golpe de Estado do 18 de xullo de 1936 desertou do Batallón 353, estivo fuxido e formou parte do grupo de guerrilleiros que actuaba no suroeste da provincia de Lugo, principalmente no concello de Chantada, comandados por Salvador Valcárcel Montenegro. Participou no asalto á sucursal do Banco Pastor en Chantada. Foi requirido polo Xulgado Militar de Lugo en febreiro de 1939 xunto con Salvador Valcárcel e Benito Montes Otero.[1] O grupo desfíxose trala morte pola Garda Civil de Salvador Valcárcel e outros dous guerrilleiros da partida en Adá o 11 de abril de 1939.[2] Foi xulgado en Lugo na causa 812/38 e declarado en rebeldía. Foi requirido polo Xulgado Militar de Vigo en decembro de 1939 xunto con Jesús López Suárez e Victorino Quintana Vázquez.[3] Benjamín foi detido en Chantada o 17 de decembro de 1939 e foi asasinado no Depósito de Chantada ás 8 horas do 20 de decembro.

Notas

  1. ↑ BOP Lugo, 18-2-1934, p. 4.
  2. ↑ "A primeira guerrilla antifranquista galega (1936-1939): un esforzo malogrado". Consultado o 04 de agosto de 2020. 
  3. ↑ El Pueblo Gallego, 16-12-1939, p. 2.

Véxase tamén

Ligazóns externas