Avelaiona dos Urais
Estado de conservación
Pouco preocupanteIUCN
Clasificación científica
Reino: Animalia Filo: Chordata Clase: Aves Orde: Strigiformes Familia: Strigidae Xénero: 'Strix' Especie: S. uralensis
Nome binomial
'Strix uralensis' Pallas, 1771

A avelaiona dos urais (Strix uralensis) é unha especie da familia das Estríxidas.

Ave cun disco facial moi marcado e agrisado. Plumaxe branca con pintas marróns. Salientan os ollos completamente negros e o peteiro amarelo pálido. Trátase dunha especie que tolera a presenza humana. As parellas son monógamas de por vida e non adoitan abandonar o seu territorio.

Aproveita os niños abandonados doutras especies ou cría en covas. A posta oscila entre 3 e 4 ovos, sendo chocados unicamente pola femia.

Depreda roedores de todo tipo. Tamén aves, ata o tamaño de pombas ou corvos. Esporadicamente tamén caza anfibios e insectos.

Dende o leste de Escandinavia e Países Bálticos ata o Xapón. Existe unha poboación permanente nos Cárpatos, Albania e na antiga Iugoslavia. Rara no resto de Europa.

• Nicolai, Jürgen (1995). Everest, ed. Aves rapaces diurnas y nocturnas : identificar, clasificar y proteger las aves rapaces de Europa. Madrid. p. 157.  (en castelán)

Wikispecies posúe unha páxina sobre:  Avelaiona dos Urais

Wikimedia Commons ten máis contidos multimedia na categoría:  Avelaiona dos Urais