Antonio Guayre

Biografía
Nacemento	23 de abril de 1980 (44 anos) As Palmas de Gran Canaria, España
Altura	177 cm
Peso	72 kg
Actividade
Ocupación	futbolista
Período de actividade	2000 - 2013
Nacionalidade deportiva	España
Deporte	fútbol
Posición de xogo	Extremo esquerdo
Traxectoria   Equipo 1999–2000   UD Las Palmas Atlético 2000–2001   UD Las Palmas 31 (8) 2001–2006   Villarreal Club de Fútbol 137 (17) 2006–2008   Celta de Vigo 20 (1) 2008–2009 Club Deportivo Numancia de Soria 6 (0) 2009–2011   UD Las Palmas 28 (4) 2013–2013   CD Lugo 2 (0)   Selección nacional 2000–2001   España sub-21 9 (2) 2005–2005   España 1 (0)

Antonio Guayre Betancor Perdomo, coñecido como Guayre, nado nas Palmas de Gran Canaria (Canarias) o 23 de abril de 1980, é un exfutbolista profesional internacional español cuxo último equipo foi o Lugo da Liga Adelante. Xogaba como mediapunta ou dianteiro.

Formouse na canteira da Unión Deportiva Las Palmas, club co que debutou en Primeira División o 14 de outubro de 2000. Na súa primeira tempada na máxima categoría xogou 31 partidos e anotou oito goles.

Finalizada esa campaña, o Villarreal CF pagou 6 millóns de euros pola nova promesa canaria.^[1] Alí xogou durante cinco tempadas, e destacou até ser convocado pola Selección nacional de fútbol, pero perdeu a confianza do técnico Manuel Pellegrini e foi fichado en 2006 polo Celta de Vigo como reforzo para afrontar a Copa da UEFA, pero ese ano as lesións cebáronse con el e apenas puido disputar 300 minutos en toda a tempada. O 30 de xullo de 2008, chegou a un acordo co Celta de Vigo para desvincularse do club. Pouco despois ficha polo CD Numancia de Primeira División, onde tampouco tivo continuidade polo seu estado físico, rescindindo o contrato tras acumular só 194 minutos en toda a tempada.

Finalmente, en xullo de 2009 volveu ao seu equipo de orixe, a UD As Palmas,^[2] terminando a relación contractual en xuño de 2011. Nestas dúas tempadas apenas xoga debido a diversas lesións, que o deixan sen equipo durante un ano enteiro e sen disputar un partido dende o 24 de abril de 2011 até o 31 de xullo de 2012 en que xoga un encontro como proba para fichar polo Cádiz CF. Con todo non asinaría finalmente polo equipo gaditano por problemas coas fichas. En novembro pasa a estar de proba Lugo da Liga Adelante, pasando a ter ficha como xogador o 16 de xaneiro de 2013. Tras sufrir graves molestias no seu nocello esquerdo o 23 de abril de 2013 decide retirarse como xogador profesional de fútbol.

Datos actualizados a 15 de xaneiro de 2013

Foi internacional coa selección de fútbol de España nunha ocasión,^[3] no partido que enfrontou o 9 de febreiro de 2005 á selección contra San Marino, en partido valedoiro para a clasificación para o Mundial de Alemaña con vitoria para o combinado español por 5-0.

• Datos do xogador en futbolme.com (en castelán)
• Datos do xogador en Transfermarkt (en inglés)
• Datos do xogador en National Football Teams (en inglés)