Alvor

Localización
37°07′43″N 8°35′38″O / 37.128708, -8.593942
Estado	Portugal
Distritos	Distrito de Faro
Concello	Portimão
Xeografía
Superficie	15,25 km²
Altitude	5 m-2 m
Santo padrón	Xesús de Nazaret
Identificador descritivo
Código postal	8500
Fuso horario	UTC±00:00
Sitio web	jf-alvor.pt

Alvor é unha vila e freguesía portuguesa do concello de Portimão.

A freguesía de Alvor ocupa unha extensión de 15 25 km², e no ano 2011 tiña unha poboación de 6 154 habitantes,^[1] polo que a súa densidade de poboación nese ano era de 403,5 hab/km².

Alvor limita:

• ao norte coa freguesía de Mexilhoeira Grande,
• ao leste coa de Portimão,
• ao oeste coa de Odiáxere, e
• ao sur co océano Atlántico.

Entre Portimão e Lagos sitúase a ría de Alvor, un amplo estuario, no que drenan as ribeiras de Odeáxere e Arão, a poñente, e as ribeiras do Farelo e Torre ao nacente, orixinadas nas Serras de Monchique e de Espinhaço de Cão. A zona lagunar encóntrase separada e protexida do mar por dúas linguas de area, a praia de Alvor, ao nascente, e a Meia-Praia ao poñente, rodeando dous promontorios.^[2]

A área abarca unhas 17 00 hectáreas, e inclúe unha diversa variedade de hábitats de xestas, bosques e terras agrícolas, comprendendo o esteiro, dunas, pantanos e salinas.^[3] A ría de Alvor incluíuse na Rede Natura 2000 debido á presenza de especies e hábitats que se consideran dignos de protección a nivel europeo.^[4]

A Rede Natura 2000 recoñece a necesidade de protexer:

• Hábitats prioritarios: lagoas costeiras, dunas costeiras fixas con vexetación herbácea.
• Especies prioritarias: Thymus camphoratus.
• Outras características de importancia para a UE: 13 hábitats, incluíndo o estuario, as salinas, as dunas. Especies: sapoconcho leproso (Mauremys leprosa), lontra (Lutra lutra) e Linaria algarviana (unha planta da familia das plantaxináceas).

O nome Alvor está asociado ao de Portus Hannibalis, un porto fundado polo xeneral cartaxinés Haníbal Barca,^[5][6] segundo menciona João de Barros]: "Alvor, vila no Reino do Algarve, sabia-se chamar Porto de Aníbal, como diz Florián de Ocampo".^[7]

O asentamento creceu arredor do mar, preto do lugar chamado Vila Velha, onde unha cultura castrexa celta dominou a desembocadura do río durante a Idade do Ferro.^[6]

É probábel que fose a colonia romana de Ipses, que foi autorizada a cuñar moeda, e foi absorbida durante a época romana.^[6]

En 716, no curso da Invasión musulmá da Península Ibérica foi conquistada polos mouros e comezou a ser denominada Albur ou Alvor, nome da serra onde se construíu o castelo de Alvor,^[8] do que quedan apenas vestixios.^[6]

Alvor foi reconquistada polo rei Sancho I o 3 de xuño de 1189, coa axuda de cabaleiros cruzados,^[6] pero foi retomada dous anos máis tarde polos musulmáns, e reconquistada definitivamente en 1250,^[5] coa conquista do Algarve por Afonso III.^[6] Foi econstruída polo rei Dinís en 1300.^[6]

A vila serviu durante 500 anos como defensa costeira contra os ataques de piratas, até que foi destruída en 1755 polo terremoto e conseguinte tsunami que arrasou Lisboa.^[6]

Por decreto de Afonso V, de 22 de maio de 1469 Alvor elevouse o condado, outorgándolle o título a Afonso, conde de Faro.^[6] O título de conde de Alvor foi creado en 1683 por Pedro II, pero este título durou pouco tempo, extinguíndose e volvendo á coroa durante o Proceso dos Távoras, pola condena do 3º conde de Alvor, Francisco de Assis de Távora, que estivo implicado nunha conspiración contra o rei João II (en 1483-1484).

Durante o reinado de João II, Alvor continuou recibindo mecenado. O rei morreu o 25 de outubro de 1495 no palacio de Álvaro de Ataíde, despois de coller un calafrío en Monchique (a residencia situada na Rúa do Poço), situado preto dos supostos mananciais de augas termais de Caldas de Monchique).^[5][6]

Pouco tempo despois, o príncipe rexente ordenou, en nome de Manuel I, a elevación de Alvor a "vila", o 28 de febreiro de 1495, o que se confirmou nun segundo diploma o 28 de decembro de 1498,^[6] (estatuto que perdería a principios do século XIX).

Nas últimas décadas do século XV, Alvor foi un centro da comunidade xudía de Portugal.^{[Cómpre referencia]}

O pequeno municipio estaba constituído só pola vila e tiña, en 1801, 1 288 habitantes.^{[Cómpre referencia]}

A freguesía é famosa por terse alí asinado o 15 de xaneiro de 1975 o chamado acordo de Alvor, entre o Goberno portugués xurdido da Revolución do 25 de abril, e os tres principais movementos de liberación de Angola, o MPLA, a UNITA e a FNLA, polo que se concedeu a independencia de Angola.^[9][10]

• 
  Igrexa de Alvor
• 
  Rúa de Alvor
• 
  Vista panorámica

• 
  Reserva da Natureza de Alvor
• 
  Ría de Alvor
• 
  Ría de Alvor
• 
  Flamengos na ría de Alvor

Wikimedia Commons ten máis contidos multimedia na categoría:  Alvor

• Evans, David J. J. (2004): Portugal. Londres: Cadogan Guides. ISBN 978-1-8601-1126-6.
• Pedrosa, F. Tedim & Goncalves, J. (2008): "The 1755 earthquake in the Algarve (South of Portugal): What would happen nowadays?". Advanced Geoscience 14: 59–63.
• Lopes, João Baptista da Silva (1841): Corografia, ou, Memoria económica, estadistica, e topográfica do Reino do Algarve. Lisboa: Academia Real das Sciencias.
• Almeida, João de (1948): Roteiro dos monumentos militares Portugueses. Volume III. Lisboa: Livraria Castro e Silva.