Alicia Ostriker

(2014)
Biografía
Nacemento	11 de novembro de 1937 (87 anos) Brooklyn, Estados Unidos de América
Educación	Universidade de Wisconsin-Madison Universidade Brandeis
Actividade
Campo de traballo	Poesía, feminismo, lingua inglesa, ciencia da literatura e Jewish poetry (en)
Ocupación	poetisa, profesora universitaria, especialista en literatura, escritora, estudosa da literatura
Empregador	Universidade Rutgers (pt)
Familia
Cónxuxe	Jeremiah Paul Ostriker (1958–)
Premios
(1984)  Bolsa de estudos Guggenheim
Descrito pola fonte	American Women Writers

Alicia Suskin Ostriker, nada en Brooklyn (Nova York) o 11 de novembro de 1937, é unha profesora e poeta estadounidense. Autora de poesía feminista,^[1][2][3] foi recoñecida por Progressive como "a poeta máis ferozmente sincera dos Estados Unidos"^[1].

É filla de David Suskin e Beatrice Linnick Suskin.^[1] O seu pai traballou para o Departamento de Parques de Nova York. A súa nai líalle a William Shakespeare e Robert Browning, e Alicia comezou a escribir poemas desde nova, ademais de debuxar. Inicialmente quixo ser artista e estudou arte. Os seus libros Songs (1969) e A Dream of Springtime (1979) foron ilustrados con debuxos propios. Ostriker concluíu a súa formación secundaria no Ethical Culture Fieldston School en 1955.

Licenciouse na Universidade Brandeis en 1959 e doutorouse na Universidade de Wisconsin-Madison en 1964^[1], cunha tese sobre a obra de William Blake. O texto converteuse no seu primeiro libro, Vision and Verse in William Blake (1965). Máis adiante editou unha versión anotada dos poemas completos de Blake para Penguin Press.^[1] Traballou como docente de inglés na Universidade Rutgers entre 1965 e 1972.

Alicia está casada co astrónomo Jeremiah Ostriker, quen foi profesor na Universidade de Princeton entre 1971 e 2001. Asentada en Nova York, ensina poesía no Drew University´s Low-Residency MFA Program.

En 1969 publicou a súa primeira colección de poemas, Songs. O seu cuarto poemario, The Mother-Child Papers (1980), un clásico feminista, foi inspirado polo nacemento do seu fillo durante a guerra de Vietnam e semanas despois do tiroteo no masacre da Universidade de Kent.

Os libros de non ficción de Ostriker exploran moitos dos temas presentes nos seus versos. Writing Like A Woman (1983), explora os poemas de Sylvia Plath, Anne Sexton, H.D., May Swenson e Adrienne Rich, e The Nakedness of the Fathers: Biblical Visions and Revisions (1994) achégase á Torá.^[4] Escribiu a introdución de Empire of Dreams de Giannina Braschi.^[5]

• Songs : a book of poems (1969)
• Once More Out of Darkness and Other Poems (1974)
• A Dream of Springtime: Poems 1970–1978 (1979)
• The Mother/Child Papers (1986)
• A Woman Under the Surface (1982)
• The Imaginary Lover (1986)
• Green Age (1989)
• The Crack in Everything (1996)
• The Little Space: Poems Selected and New, 1968–1998 (1998)
• The Volcano Sequence (2002)
• No Heaven (2005)
• The Book of Seventy (2009)
• At the Revelation Restaurant and Other Poems (2010)
• April (2011)

• Domina, Lynn (2008). Poets on the Psalms. Trinity University Press. 
• Ostriker, Alicia (1996). The Crack In Everything. Pitt Poetry Series. ISBN 0-8229-5593-8. 
• Ostriker, Alicia (2005). No Heaven. Pitt Poetry Series. ISBN 0-8229-5875-9. 
• Ostriker, Alicia (2009). The Mother/Child Papers. University of Pittsburgh Press. ISBN 978-0-8229-6033-1. 
• Ostriker, Alicia; Wolpe, Sholeh (2010). Sin:Selected Poems of Forugh Farrokhzad. ISBN 978-1-55728-948-3.