PROFILPELAJAR.COM

Aleksander Kuźmin
	; ;
Nome orixinal	Aleksander Maria Kuźmin
Biografía
Nacemento	30 de agosto de 1939; Poznan, Polonia
Morte	Poznan.; Polonia
	Cargos;
Presidente da; Sociedade Numismática Polaca
Período	2001 – 2003
Antecesor	J. Pininski
Sucesor	M. Mielczarek
Datos persoais
País de nacionalidade	Polaca.
Educación	Escola Superior Pedagóxica de Gdansk.
Actividade
Campo de traballo	Numismática, heráldica, matemáticas e informática.
Ocupación	numismático, matemático, informático teórico

Aleksander Maria Kuźmin, nado en Poznan o 30 de agosto de 1939, é un numismático, heraldista, matemático e informático polaco, que presidiu a Sociedade Numismática Polaca.

Traxectoria

Formación

Aleksander Kuźmin naceu en 1939 en Poznan, a capital da rexión da Gran Polonia. Logo da súa graduación en educación secundaria en 1961, ingresou na Escola Superior Pedagóxica de Gdansk, onde acadou o mestrado en Matemáticas.^[1]

Carreira como tecnólogo

Pouco despois comezou a súa traxectoria profesional na compañía ZETO, de tecnoloxías de computación electrónica ZETO. En 1972-1973 traballou como tecnólogo informático na empresa IMWM, en Gdynia, e nos anos 1974 a 1980 como tecnólogo xefe e logo como subdirector de deseño e programación no centro informático de construción ETOB, en Gdansk.^[1]

Logo de dirixir no período 1980-1982 o centro informático Polmo Obaj Gdańsk, nos anos 1983 a 1995 retomou a súa actividade en ZETO como xefe do departamento de medios e, tras a adquisición de ZETO por parte do grupo Prokom, foi o director do seu departamento de formación.^[1]

No período 1995-2000 traballou en PZU como xefe do departamento de Tecnoloxías da Información do distrito de Gdansk, e de 2000 a 2004 traballou no centro de formación Combidata.^[1]

Numismático e heraldista

Paralelamente ao seu labor profesional, Aleksander Kuźmin é tamén un recoñecido numismático e heraldista. En 1978 ingresou na Sociedade Numismática Polaca, a cuxa directiva pertenceu desde 1995, e entre 2001 e 2003 ocupou a presidencia da entidade. Nesta sociedade foi recoñecido con diversos premios e foi nomeado membro honorífico.^[1]^[2]

Kuźmin realizou diversos relatorios en xornadas e exposicións numismáticas internacionais, e é autor de diversos opúsculos e libros sobre numismática. Tamén foi o fundador e editor da publicación periódica Gdańskie Zeszyty Numizmatyczne ("Cadernos Numismáticos de Gdansk") entre 1988 e 2013.^[1] Nos anos 2001-2003 foi membro do consello editorial de Biuletynu Numizmatycznego ("Boletín Numismático") e coeditor, xunto con Małgorzata Sokołowska, do segundo volume da Encyklopedii Gdyni ("Enciclopedia de Gdynia").^[3] Igualmente, Kuźmin foi editor da revista Medalierstwo i Faleristyka ("Medallística e Farelística").^[1]

Aleksander Kuźmin é tamén membro da Sociedade Polaca de Xenealoxía e Heráldica, e formou parte da comisión para o cambio da imaxe do escudo da de Rumia, creada polo concello desta cidade polaca en 1994.^[4] Tamén foi membro do xurado do concurso para a creación do escudo de armas do distrito de Chylonia, en Gdynia, en 1999.

Recoñecementos

Ao longo da súa traxectoria, Aleksander Kuźmin foi merecedor dos seguintes recoñecementos:^[1]

Premio do Ministerio da Industria da Construción, polo desenvolvemento de novas tecnoloxías de rexistro de datos (1974).
Insignia de ouro da Sociedade Numismática Polaca.
Medalla ao Mérito da filial de Gdansk da Sociedade Numismática Polaca.
Diploma honorífico da Sociedade Numismática Polaca (tres veces).
Medalla de ouro prof. Ryszard Kiersnowski.
Medalla ao Mérito da Numismática.
Insignia de Activista Cultural Meritorio.

Publicacións

Aleksander Kuźmin é autor de numerosos artigos e colaboracións numismáticas publicados, entre outros, en revistas como Biuletynu Numizmatycznego, Biuletynu Numizmatycznego, Grosz ou Magazynie numizmatycznym. Tamén publicou diversos traballos monográficos, entre os que cabe salientar os seguintes.^[1]

Escolma de monografías

(1993). Fałszerstwa Monet Wolnego Miasta Gdańska ["Falsificacións de moedas da cidade libre de Gdansk"]. Biuro Heraldyczno-Numizmatyczne, Gdynia.
(2003). Organizacja mennic i techniki mennicze w Polsce w XVI i XVII wieku ["Organización de casas de moeda e técnicas de cuñaxe en Polonia nos séculos XVI e XVII"]. Varsovia. ^[5]
(2006). Katalog żetonów sopockiego kasyna gry ["Catálogo de fichas de xogo de casino de Sopot"]. A-S 34. ISBN 9788391935743 ^[6]
(2009). Gdynia w numizmatyce ["Gdynia en numismática]. Polskie Towarzystwo Numizmatyczne. ISBN 9788385057758 ^[7]