PROFILPELAJAR.COM

Aviso médico

Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.

A afasia é un trastorno da linguaxe, consistente na deterioración da linguaxe despois de ter sido adquirida de xeito normal e sen déficit intelectual correlativo. O termo afasia foi acuñado en 1864 polo médico francés Armand Trousseau.

Causas

As causas principais son:

tumores
enfermidades infecciosas (como a meninxite);
enfermidades dexenerativas (como a esclerose múltiple);
accidentes con traumatismo cranial;
tensión metabólica (intoxicacións);

A dificultade da linguaxe máis común dos afásicos é a incapacidade para falar correctamente por problemas de decodificación, memoria e de sintaxe. Debido a que os afásicos frústranse con facilidade, é destacábel o papel da relaxación, o xogo, a pantomima e das actividades interesantes para o suxeito, xunto co adestramento auditivo intenso.

Tipos

Afasia de Broca ou afasia motora: por lesión na área de Broca, que se pode tamén estender ao córtex frontal adxacente^[1]. Vese afectada principalmente a emisión verbal, que fica moitas veces reducida a unha palabra ou algunhas expresións estereotipadas. A linguaxe espontánea é sempre pobre e asume un estilo "telegráfico": substantivos ou formas nominais do verbo (o chamado agramatismo). A perturbación afecta á realización das sílabas fónicas, sen realmente afectar o sistema fonolóxico. Pertúrbase tamén a escrita (agrafía). Non se ven afectadas, porén, a recepción dos signos verbais, a comprensión ou a lectura.

Afasia de Wernicke ou afasia sensorial: por lesións na área de Wernicke (rexión temporal). A fala é fluída, mais resulta difícil de comprender debido a que se deforman as palabras (parafasia literaria), substitúense os termos esperados por outros (parafasia verbal) e prodúcense iteracións (perseveración). O mesmo acontece na escrita (paragrafía) e na lectura en voz alta (paralexia). Vense afectadas a comprensión oral e escrita. Distínguense tres tipos de afasias sensoriais, posibelmente relacionadas con áreas distintas da zona de Wernicke:

unha con xordeira verbal,
outra con incomprensión verbal,
outra dominada pola desorganización da atención.

Afasia de condución: por lesións do fascículo arqueado (xunción paríeto-temporal posterior). Consiste nunha perturbación da repetición das palabras e frases e por unha linguaxe espontánea, perturbada por "engavetamentos" (telescopages en francés) de palabras e por autocorreccións. O mesmo que na afasia de Broca, a comprensión non se ve afectada.

Afasia global transitoria: cando se interrompe temporalmente o rego sanguíneo na arteria cerebral media.

Notas

↑ Carme Junqué, Olga Bruna e Maria Mataró Neuropsicología del lenguaje: funcionamiento normal y patológico. Elsevier España, 2004, páxina 55

Véxase tamén

Outros artigos

Afasia evolutiva

Trastornos da linguaxe
trazo	articular	fala	ortofonía	voz	comprender	escrita	sintaxe	oralidade	lectura	lexemas	ortografía	movemento	entoación
ausencia	-	afasia e afasia evolutiva	-	afonía	agnosia	agrafía	agramatismo	alalia	alexia	anomia	-	apraxia	-
dificultade	disartria	disfasia	disfemia	disfonía	-	disgrafía	-	dislalia	dislexia	-	disortografía	dispraxia	disprosodia
erro	-	parafasia	-	-	-	paragrafía	-	-	paralexia	-	-	-	-
Outros: esquizofasia, coprolalia, ecolalia, paralalia