ACES (acrónimo de Advanced Crew Escape Suit), denominado S1035 polo seu fabricante (David Clark) era un modelo de traxe espacialestadounidense posto en servizo en 1995 para substituír o LES (Launch/Entry Suit) como vestimenta durante o lanzamento e reentrada atmosférica dos transbordadores espaciais. A finalidade de ACES era protexer á tripulación no caso de perda de presión na cabina do transbordador a altitudes de máis de 30 km e adicionalmente protexela do frío e da auga no caso de ter que saltar en paracaídas, así como aislala de calquera posible contaminación da cabina. O traxe incluía unha parte interior pola que circulaba líquido refrixerante. A diferenza do LES, ACES era un traxe de presión completa.[1]
Durante a reentrada, ACES usaba o mesmo sistema usado no LES para contrarrestrar as fortes aceleracións, consistente en vexigas de presión situadas nas pernas e no abdome inferior para evita-la acumulación de sangue na parte inferior do corpo tras as longas exposicións á microgravedade. Foi usado por primeira vez na misión STS-64, o 9 de setembro de 1994.[1]
