Abdón Rodríguez Santos

Modelo:BiografíaAbdón Rodríguez Santos
Biografía
Nacemento16 de xullo de 1885 Editar o valor en Wikidata
Ourense, España Editar o valor en Wikidata
Morte2 de xaneiro de 1971 Editar o valor en Wikidata (85 anos)
Madrid, España Editar o valor en Wikidata
Actividade
Ocupaciónxornalista, escritor Editar o valor en Wikidata
Familia
FillosRaquel Rodrigo Editar o valor en Wikidata
IrmánsLuís Rodríguez Santos Editar o valor en Wikidata
Galiciana: 259127 BNE: XX1269323

Abdón Rodríguez Santos, nado en Ourense o 16 de xullo de 1885 e finado en Madrid o 2 de xaneiro de 1971, foi un xornalista e escritor galego.

Traxectoria

Paisajes mentales, 1928.

Fillo de José María Rodríguez Iglesias. Fixo os estudos primarios no Colexio San José de Calasanz que rexentaba Pío Ramón Ojea. Cursou a carreira eclesiástica que máis tarde abandonou. Marchou a Cuba e dedicouse ao comercio, a ensinanza e o xornalismo. Co seu irmán Luís publicaron por entregas en Diario de la Marina a novela curta Los harapos del lujo en 1907.[1] Foi membro da Asociación Iniciadora y Protectora de la Academia Gallega, da que foi vicesecretario en 1911.[2] Colaborou en Labor Gallega e nas revistas editadas na Habana Galicia, Suevia, Galicia Gráfica, La Patria Gallega, La Alborada, La Tierra Gallega, Eco de Galicia, Alma Gallega e Heraldo de Galicia. Retornou a España a mediados dos anos vinte e dedicouse aos seguros. Amigo e íntimo colaborador de Roberto Blanco Torres, viaxou con el a Marrocos en 1929. A principios dos anos trinta instalouse en Madrid. Militou no Partido Republicano Federal.[3] Durante a guerra civil permaneceu en Madrid, traballando como axente de seguros e mestre. En setembro de 1939 foi acusado de derrotismo.[4] No franquismo traballou como inspector de seguros de La Mutua Franco Española,[5] e colaborou en La Región e El Progreso. Nos anos cincoenta instalouse ne Bilbao.[6] Finou en Madrid o 2 de xaneiro de 1971.[7]

Obra

  • Amor y Feminismo - Conferencia, 1916.
  • Paisajes mentales, 2 tomos, 1928 e 1932.
  • El hombre de la calle, 1934.

Vida persoal

Casou na Habana con Marina López Rosabal o 9 de febreiro de 1910,[8] coa que tivo tres fillos: Abdón, Raquel Rodrigo e Luis Manuel Rodríguez López. Marina faleceu en Madrid o 6 de setembro de 1979.[9]

Notas

  1. ↑ Diario de la Marina, 3-9-1907, p. 10.
  2. ↑ Galicia, 11-7-1911, p. 7.
  3. ↑ El Liberal, 31-8-1930, p. 6.
  4. ↑ Expte. nº 39 instruido contra RODRIGUEZ SANTOS, Abdón por el delito/s de Derrotismo.
  5. ↑ La Región, 29-7-1941, p. 2.
  6. ↑ "Abdón Rodríguez Santos" por Ben-Cho-Shey, La Región, 26-7-1958, p. 3.
  7. ↑ La Región, 12-1-1971, p. 3.
  8. ↑ Galicia, 12-2-1910, p. 6.
  9. ↑ Necrolóxica en ABC

Véxase tamén

Bibliografía