A Feira do Trece é un lugar da parroquia de Sedes no concello de Narón na provincia da Coruña. Tiña 29 habitantes no ano 2015 segundo datos do Instituto Galego de Estatística dos cales eran 15 homes e 14 mulleres.
Neste lugar sitúase o último campo da feira que aínda ten tal uso en Narón, onde teñen lugar varias feiras como a Feira do cabalo ou a do can de caza.
Historia
Fonte da Feira do Trece.
O 13 de marzo do ano 1918 e coincidindo co día da feira prodúcese unha revolta veciñal coñecida como a Revolta das Pedradas diante do establecemento comercial do alcalde para protestar polas inxustizas cometidas no repartimento de consumos entre os veciños e os desproporcionados impostos que sufrían os labregos, chegando a pagar 40 veces máis que o propietario dun comercio. Logo do lanzamento de varias pedras, chámase á Garda Civil e esta remata coas protestas despois de deixar 6 mortos e varios feridos. A revista Nós fixo unha denuncia de tales feitos.
Lugares e parroquias
Lugares de Sedes
Lugares da parroquia de Sedes no concello de Narón
