Jada Stevens
persoan yn de seksyndustry
persoanlike bysûnderheden
oare artyste-        nammen	Jade Stevens, Jacia Stevens
echte namme	Candace Jackson
nasjonaliteit	Amerikaansk
berne	4 july 1988
berteplak	Snelville (Georgia)
etnisiteit	Angelsaksysk Amerikaansk
wurkpaad
wurksum as	neakenmodel, stripper, pornoaktrise
jierren aktyf	2008 – no
offisjele webside
clubjadastevens.com

Jada Stevens, echte namme: Candace Jackson (Snelville (Georgia), 4 july 1988), is in Amerikaansk neakenmodel, stripper en pornografysk aktrise, dy't yn it ferline ek wol gebrûk makke hat fan 'e artystenammen Jade Stevens en Jacia Stevens. Neffens har offisjele opjefte is se 1.57 m, mei in gewicht fan 52 kg.

Jada Stevens waard yn 1988 berne yn it stedsje Snelville, yn 'e steat Georgia. Mei njoggentjin jier sette hja útein mei te wurkjen as stripper yn in stripklub yn Atlanta. Har debút yn in pornografyske film makke se yn it foarjier fan 2008.

Neffens de Internet Adult Film Database (IAFD) hat se sûnt yn mear as twahûndert pornofilms spile, û.m. foar sokke foaroansteande labels as Vivid Entertainment, Evil Angel, Jules Jordan Video, Elegant Angel, Pure Play Media, Zero Tolerance, New Sensations, Digital Playground, Hustler Video, Third Degree Films, West Coast Productions, Red Light District, Seymore Butts Home Movies en Shane's World. Teffens hat se in protte wurke foar pornosites as Brazzers en Kink.com. Yn 2013 ferskynde se yn 'e webshow Fresh Off the Boat, fan Vice Magazine, wêryn't se mei gasthear Eddie Huang in rûnreis troch Miami makke mei de klam op iten en pornografy.

Yn 2010 feroare Stevens har foarkommen fan blondine ta brunette. Hja hat har spesjalisearre yn anale en ynterrasiale pornografy. Se seit in grutte fan te wêzen fan hiphopmuzyk. Yn 2012 wûn se in AVN Award (de Oskar fan 'e pornoyndustry) foar de bêste triosekssêne mei twa froulju en in man. Fierders hat se 7 kear nominearre west foar in AVN Award.

• (in) Offisjele webside fan Jada Stevens
• (in) Biografy en filmografy fan Jada Stevens yn 'e Internet Movie Database (IMDb)
• (in) Biografyske gegevens en filmografy fan Jada Stevens yn 'e Internet Adult Film Database (IAFD)

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons  Ofbylden dy't by dit ûnderwerp hearre, binne te finen yn de kategory Jada Stevens fan Wikimedia Commons.